67-ci Beynəlxalq Kann kinofestivalı başladı

Mayın 14-də çoxdan gözlənilən67-ci Kann Beynəlxalq kinofestivalının açılış mərasimi reallaşıb. Mərasim fransız rejissor Olivye Daanın “Monako şahzadəsi” filminin...

    Mayın 14-də çoxdan gözlənilən67-ci Kann Beynəlxalq kinofestivalının açılış mərasimi reallaşıb. Mərasim fransız rejissor Olivye Daanın “Monako şahzadəsi” filminin nümayişi ilə başlayıb. Həmişə olduğu kimi festivaldan daha çox, qırmızı xalıda məşhurların keçidi diqqət cəlb edib.  Ulduzlar arasında Nikol Kidman, Bleyk Layvli və digər tanınmışlar olub. Qeyd edək ki, festival mayın 14-dən 25-dək davam edəcək. Qaliblərin mükafatlandırılma mərasimi mayın 24-də reallaşacaq.

   "Alatoranlıq” silsilə filmlərinin ulduzu Robert Pattinson qeyri-adi fotosessiyada iştirak edib.  Belə ki, 28 yaşlı aktyor “Premiere” jurnalı üçün kamera qarşısına keçib. Müxtəlif rəngli boyalarla qrim edilən Robertin şəkilləri böyük maraq doğurub.

    Son zamanlar müğənni Selena Qomesin həddən artıq kökəldiyi diqqət çəkib. Gənc xanımın geniş geyimlərə üstünlük verdiyi də görülüb.  Qatıldığı son mərasimlərdən birində ulduzun geyindiyi libas şübhələri daha da artırıb. Selenanın heyranları dərhal sosial şəbəkədə onun ana ola biləcəyi haqqında şərhlər yazıblar. Müğənni hələ ki məsələni şərh etməyə tələsmir.

    Castin Timberleyk mərhum pop kralı Maykl Ceksonla əməkdaşlığını əks etdirən “Love Never Felt So Good” klipini təqdim edib. Ceksonun ölümündən sonra işıq üzü görən “Xscape” albomuna daxil edilən trekin video çarxında Castin fanatlarla birlikdə rəqs edir. Ekran işində həmçinin Maykl Ceksonun kliplərindən də kadrlar yer alıb.

 

Sahilə Aslanova

 

Muz-Tv.az