Aleksandr Rıbak Heydər Əliyev Mərkəzində konsert proqramı ilə çıxış etdi
Dünən norveçli müğənni və skripkaçı, “Eurovision-2009” mahnı müsabiqəsinin qalibi Aleksandr Rıbak Heydər Əliyev Mərkəzində yeni layihəsini təqdim edib.
Dünən norveçli müğənni və skripkaçı, “Eurovision-2009” mahnı müsabiqəsinin qalibi Aleksandr Rıbak Heydər Əliyev Mərkəzində yeni layihəsini təqdim edib. Axşam.az-ın məlumatına görə, konsert Aleksandr Rıbak ilə tamaşaçılar arasında yaranan sıx və səmimi münasibətlə yaddaqalan olub. Tanınmış ifaçı konsertin təşkilində əməyi olan hər kəsə, o cümlədən Heydər Əliyev Mərkəzinə və Norveçin Azərbaycandakı səfirliyinə dərin təşəkkürünü bildirib. Tədbirdə Respublika İncəsənət Gimnaziyasının şagirdləri Azərbaycanın görkəmli bəstəkarları Üzeyir Hacıbəyli, Qara Qarayev, Fikrət Əmirov, Niyazi, Vasif Adıgözəlov və Tofiq Quliyevin əsərlərini ifa ediblər. Aleksandr Rıbak azərbaycanlı şagirdlərlə birgə müəllifi olduğu mahnıları, o cümlədən ona “Eurovision-2009” mahnı müsabiqəsində qalibiyyət gətirən “Fairytale” mahnısını təqdim edib. Norveçli müğənni Bakı tamaşaçıları qarşısında, həmçinin repertuarından bir çox hitləri səsləndirib.
Bu yaxınlarda ad gününü qeyd edən müğənni İlhamə Qasımovaya həyat yoldaşı bahalı hədiyyə bağışlayıb. sənətçi, yoldaşının ona brilyant dəsti hədiyyə etdiyini deyib. “Həmin gün ən önəmli hədiyyəni həyat yoldaşımdan gözləyirdim. Nəticə istədiyim kimi oldu. Gözləməyimə dəydi. Mənə çox bəyəndiyim bahalı brendin brilyant dəstini bağışladı” deyən İlhamə yaxın günlərdə Nyu-Yorka yollanacağını bildirib: “Apple Musice Awards” mükafatlandırma mərasiminə dəvət olunmuşam. Nominantların siyahısında mən də varam. “Best Azerbaijan female singer” nominasiyası ilə təltif ediləcəm. Mərasim Nyu-Yorkda baş tutacaq. Ora hazırlaşıram. Qırmızı xalça olacaq, odur ki, maraqlı geyim düşünürəm. Düzdür, gedib 10 min manata paltar alacaq deyiləm. Ən yaxşısı tikdirməkdir. Heç vaxt bir paltara 10 min pul vermərəm”.
Müğənni Xatirə İslam “Sənsiz” adlı yeni mahnı hazırlayıb. Sənətçi yeni mahnısından bir hissəni sosial şəbəkədə paylaşıb. “Kompozisiyanın sözləri Xanım İsmayılqızına, musiqisi Veysələ aiddir. Xatirə bəstəni Rəşad Bağırovun aranjiman etdiyini deyib: “Yeni mahnımdan bir hissəni ilk dəfə İnstaqramdakı sevənlərimlə paylaşıram. Əməyi keçən hər kəsə təşəkkür edirəm. Gözəl bəstədir, uğurlu olsun”.
Müğənni Ayan Babakişiyeva haqqında gəzən şayiələrdən danışıb. Lent.az-a açıqlama verən müğənni bildirib ki, bir çoxları onu plastik əməliyyat keçirdiyini söyləyir: “Bu günə qədər haqqımda bir çox şayiələrə rast gəlmişəm. Barəmdə çıxan sonuncu şayiə isə çox gülünc idi. Guya mən burun nahiyəmdən plastik əməliyyat keçirmişəm. Amma yalandır. Plastik əməliyyat keçirsəydim, bunu mediadan gizlətməyəcəkdim”.
Sahilə Aslanova
Muz-Tv.az