Tünzalə Ağayevanın verilişi bağlanır

Əməkdar artist Tünzalə Ağayevanın "TRT Müzik"də yayımlanan “Bir səsin cazibəsi” verilişi bu mövsüm başa çatır. Axşam.az xəbər verir ki, bu barədə müğənninin özü

    Əməkdar artist Tünzalə Ağayevanın "TRT Müzik"də yayımlanan “Bir səsin cazibəsi” verilişi bu mövsüm başa çatır. Axşam.az xəbər verir ki, bu barədə müğənninin özü məlumat verib. Onun sözlərinə görə, yayda təkrar buraxılışlar yayımlanacaq: "Bu yay konsertlərim, səfərlərim olacaq. Payızda solo konsert verməyi düşünürəm. Ona görə də yeni mövsümdə verilişə davam edib-etməyəcəyimi hələ bilmirəm”.

    Xalq artisti Nazpəri Dostəliyeva tədbirlərin birində fotokameralara tuş gəlib.  Müğənninin xeyli arıqlaması diqqətdən qaçmayıb. Xalq artisti açıqlamasında pəhriz saxladığını bildirib. Qeyd edək ki, müğənni mayın 31-də Almaniyada “Alman Azərbaycan Mədəniyyət Evi”nin təşkilati dəstəyi ilə Cümhuriyyət bayramına həsr olunmuş konsertdə çıxış edəcək.

   “Eurovision-2011”in qalibi Eldar Qasımov bu il müsabiqədə birincilik qazanan Konçita Vurstu müdafiə edib. Ifaçı sosial şəbəkədə Konçitanı bəyəndiyini bildirib: “Başqalarının sənin haqda dedikləri mənə maraqlıdırmı? Xeyr. Mən səni sevirəm, Konçita. Artıq bu mənasız söhbətlərdən bezdim. Sən o lənətə gəlmiş mikrofonu götürdün və “Eurovision” müsabiqəsini fəth etdin. Mənim vecimə deyil, nə deyirlər və nə deyəcəklər. Fakt odur ki, dünyanın yarısı onun ayaqları altındadır. Bu pisdir və ya yaxşıdır, biz qərar vermirik və yaxşı ki, biz qərar vermirik. Şadam ki, qaliblər sırasına qatıldın. Səni təbrik edirəm, əzizim”.

    Rusiyalı aparıcı Viktoriya Bonya Kann kinofestivalı çərçivəsində nümayiş olunan “Uilyam Terner” filminin təqdimat mərasiminə qatılıb. Sosial mediada aparıcının qırmızı xalçadan keçərkən çəkilmiş fotoları yayılıb. Viktoriyanın libası diqqət çəkib. Qeyd edək ki, müğənni Günay İbrahimli də qatıldığı tədbirlərin birində kürək dekolteli həmin libasın eynisindən geyinmişdi. Libas Aleksander Mak Kuinin kolleksiyasındandır. Eyni libastan Hollivud ulduzu Keyt Hadson da mərasimlərdən birində geyinib.

 

Sahilə Aslanova

 

Muz-Tv.az