Natavan Aygün və Toliki məhkəməyə verdi

Natavan Həbibi mayın 24-də Heydər Əliyev Sarayında baş tutacaq konserti üçün sonuncu dəfə media nümayəndələri ilə görüşüb.

    Natavan Həbibi mayın 24-də Heydər Əliyev Sarayında baş tutacaq konserti üçün sonuncu dəfə media nümayəndələri ilə görüşüb.Konsertinə sayılı günlər qalan Natavanın mətbuat konfransı keçirməyinin səbəbi var. Müğənni konsertöncəsi ona olunan təzyiqləri və atılan daşları cavabsız qoymadı. Həbibi şəxsi səhifələrində müğənninin əleyhinə paylaşımlar edən xalq artisti Aygün Kazımova, prodüserlər Tolik və Zoriki  məhkəməyə verməyindən də söhbət açıb: “Onlar mənim şərəf və ləyaqətimi alçaldıb. Şərəf və ləyaqət satılmır. Yalnız məni deyil, ailəmi də təhqir ediblər. Mən pul, alacağım  təzminat haqda düşünmürəm, onlar başqa cür cavab versinlər istəyirəm. Allah hamısının canını sağ eləsin, hər birinə təşəkkür edirəm. Mayın 24-də baş tutacaq konsertimə gözəl piar etdilər. Etmək istədikləri pislik mənim xeyrimə oldu. Bütün bunları çox səmimi deyirəm. Məhkəməyə müraciət etmişəm, lakin bu haqda geniş açıqlama konsertimdən sonra verəcəm. İstəmirəm başqa işlər konsertimə kölgə salsın".

   Nəzərinizə çatdıraq ki, mayın 31-i Şəmkirdə, daha sonra Azərbaycanın digər bölgələrində də Həbibinin konserti baş tutacaq. Konfrans bitər-bitməz müğənni  fanatlarına söz verdiyi imza gününü reallaşdırmaq üçün Park Bulvar alış-veriş mərkəzinə yollanıb. Daha ətraflı süjetdə.

 

Sevda Məmmədova

Sərvər Mehdiyev

Ramal Gülməmmədov

Çingiz Abdullayev

 

Muz-Tv.az