Emin Ağalarovun Bakıda həftəsonu istirahəti

Müğənni-bəstəkar Emin həftəsonu istirahətini Bakıda keçirib. Oğlanları ilə dəniz gəzintisinə çıxan ifaçı onlarla balıq tutub, oyunlar oynayıb. Eminin övladları Əli və...

    Müğənni-bəstəkar Emin həftəsonu istirahətini Bakıda keçirib. Oğlanları ilə dəniz gəzintisinə çıxan ifaçı onlarla balıq tutub, oyunlar oynayıb. Eminin övladları Əli və Mikayılla fotolarını təqdim edirik.

    Türkiyədə yaşayan azərbaycanlı model Günay Musayevanın oğlu Cahangirin 2 yaşı olub. Axşam.az-ın məlumatına görə, türkiyəli aktyor Tolqa Karellə ailə quran model həmin günü evində qeyd edib. Yaxın dostlarını gecəyə dəvət edən Günay fotoları sosial şəbəkədə paylaşıb. O, oğlunu təbrik edərək, gözəl gün keçirdiklərini bildirib.

    Model Validə Abbasova həftəsonunu çimərlikdə günəşlənərək keçirib.  Hazırda Bakıda olan “Miss millenium” gözəli istirahət mərkəzlərinin birində çimərlik geyimində çəkdirdiyi fotolarını İnstaqram səhifəsində paylaşıb.  Qeyd edək ki, V.Abbasova uzun müddətdir İsveçrədə yaşayır.

    Müğənni Nadir Qafarzadə iyulun 6-da “Yaşıl Teatr”da qeyri-adi solo konsert verməyə hazırlaşır.Axşam.az-ın məlumatına görə, onun verəcəyi konsert Azərbaycanda ilk dəfə həyata keçirilir. Belə ki, sənətçinin konsertdə yalnız həyat yoldaşı iştirak edəcək: “Artıq bir neçə gündür ki, konsertimin danışıqları gedir. Düşünürəm ki, verəcəyim konsert bu günə qədər gerçəkləşdirdiyim layihələrdən çox fərqlənəcək. Belə ki, iyulun 6-da “Yaşıl Teatr”ın bütün masaları boş olacaq. Yalnız bir masadan başqa. Həmin yerdə isə mənim bu həyatda ən dəyərli varlığım olan yoldaşım əyləşəcək. Həmin gecəni isə ona və evliliyimizin yubileyinə həsr edəcəm. Öncədən söyləyim ki, bu konsertim çox müzakirə olunacaq. Hətta mənim fikrimə qarşı çıxanlar da olacaq. Amma tənqidlər hər zaman olub, olacaq da.  Bu konsert mənim çoxdankı arzumdur. Gecədən bir neçə gün qabaq isə media mənsubları ilə görüş keçirəcəm. Həmin görüşdə də konsertlə bağlı bir çox məqamları açıqlayacam. Hazırda layihə üçün gözəl səhnə hazırlanır. Bu çox fərqli bir səhnə olacaq. Səhnədə məni rəqs qrupu müşayiət edəcək”.

   Xatırladaq ki, N.Qafarzadənin “Yaşıl Teatr”da sonuncu solo konserti 2013 ci il sentyabrın 13-də olmuşdu. Müğənni həmin sarayda “Sən mələksən” adı altında səhnə almışdı.

 

Sevda Məmmədova

 

Muz-Tv.az