“Billboard” mükafatları sahiblərinə təqdim edildi

Mayın 19-da Amerikada çoxdan gözlənilən “Billboard Music Awards” musiqi mükafatlarının təqdimetmə mərasimi reallaşıb. 

    Mayın 19-da Amerikada çoxdan gözlənilən “Billboard Music Awards” musiqi mükafatlarının təqdimetmə mərasimi reallaşıb. Gecədə Cennifer Lopez “Icon Award” mükafatına layiq görülüb. Həmçinin ulduz Pitbulla birgə ifa etdiyi “We Are One” mahnısını və “First love” treklərini də möhtəşəm nömrə ilə tamaşaçılara təqdim edib. Digər təltif olunanlardan Castin Timberleyk, Mayli Sayrus və Keti Perri mərasimdə iştirak edə bilmədiklərinə görə təşəkkürlərini video vasitəsilə çatdırıblar.  Tədbirdə Castin Timberleyk Ən yaxşı artist, müğənni, R&B ifaçısı kateqoriyalarında mükafatlar alıb.

    “Kara Para Aşk” serialının baş rol ifaçısı Engin Akyürək adına açılan saxta hesabları məhkəməyə verib. Facebook və Twitter-dən sonra İnstaqramda da adına saxta  profil açılan aktyor: “Bu günlərdə İnstaqramda adıma saxta hesab açılıb. Bu insanlara inanmayın. Bu halın qarşısını almaq üçün hüquqi üsullara əl atacağam” – deyə açıqlama verib.

     Kann kinofestivalına qatılan aktrisa Monika Belluççi görünüşü ilə hər kəsi məyus edib. “Möcüzə” filminin təqdimat mərasiminə qatılan  ulduzun “Dolce & Gabbana” markalı qara libası onu daha da yaşlı göstərib. Üzündə və boynundakı qırışları gizlədə bilməyən Belluççinin rahat davranışları isə diqqətdən yayınmayıb.

     Türkiyəli aktrisa Pelin Karahan sevgilisi Bedri Güntayla Nişandaşında kameralara tuş gəlib. 6 ay əvvəl boşanan və yenidən evlənməsi üçün 10 ay gözləməsi gərəkən ulduz bu müddətin ləğv edilməsi üçün məhkəməyə müraciət etmişdi. Karahandan nikah tarixini soruşan dostlarına: “Məhkəmədən viza vermələrini gözləyirik”  -deyərək zarafat etdiyi öyrənilib.

 

Sahilə Aslanova

 

Muz-Tv.az