İlqar Muradov “Peşman olarsan” dedi

Əməkdar artist İlqar Muradovun yeni klipi internetdə yayımlanıb. Riqada lentə alınan video çarx Rauf Məmmədovun “Peşman olarsan” mahnısına çəkilib.  

   Əməkdar artist İlqar Muradovun yeni klipi internetdə yayımlanıb. Riqada lentə alınan video çarx Rauf Məmmədovun “Peşman olarsan” mahnısına çəkilib.  Ekran əsərinin rejissoru Vaso Qarayevdir. Klipin çəkilməsi üçün Latviyanın paytaxtının seçilməsi də təsadüfi olmayıb. Belə ki, video çarx rejissorun Riqada yaşayan bir qrup dostu tərəfindən lentə alınıb.

    Röya türkiyəli müğənni Gülşənlə yeni layihəsi haqqında danışıb. “Onun Bakıdakı konsertində hamının fikirləşdiyi kimi mən də səhnə almayacağam. Bizim onunla yeni duetimiz gözlənilir. “Bayıla-bayıla” adlanan mahnını gələn il təqdim etmək fikrimiz var. Klipi də səs-küy yaradacaq”  -deyə müğənni bildirib. Bundan başqa, müğənni prodüseri Kənan Bayramovla birlikdə konsert təşkilatçılığı ilə məşğul olduqlarını da əlavə edib.

     Məşhur “Rast” qrupu Montredə baş tutacaq beynəlxalq festivalda iştirak etməyə hazırlaşır. Bu barədə kollektivin bədii rəhbəri Rəşad Haşımov məlumat verib. Qeyd edək ki, qrup 1967-ci ildən bəri keçirilən festivala fəxri qonaq qismində dəvət edilib. Iyunun 17-də kollektivin konserti baş tutacaq. İyulun 16-da isə qrup məşhur saksofonçu Meyseo Parkerlə birlikdə səhnə alacaq.

     BugünmüğənniNatavanHəbibinindoğumgünüdür.Axşam.az-ın məlumatına görə, sənətçini ilk təbrik edənlər arasında yaxın rəfiqəsi, rəqqasə Oksana Rəsulova da olub. Oksana gecəyarısı Natavanın evinə yollanaraq ona tort və gəlincik bağışlayıb.  Rəqqasə Natavana nə hədiyyə edəcəyini uzun müddət düşündüyünü deyib:  "Çox fikirləşdim ki, Natavana nə hədiyyə edim. Nəhayət 2 ay bundan əvvəl qərara gəldim ki, ona elə özünü bağışlayım”.   Qeyd edək ki, Oksananın Natavan Həbibiyə bağışladığı gəlincik özəl hazırlanıb və zahirən müğənninin özünə oxşayır.

 

Sahilə Aslanova

 

Muz-Tv.az