Tünzalə Ağayeva albom çıxarmaq eşqinə düşüb
Əməkdar artist Tünzalə Ağayevadan təzə xəbər var. Axşam.az-ın məlumatına görə, sənətçinin sözləri Mələk Xəlilə, musiqisi özünə aid olan “Hər şey yaxşı olacaq” adlı
Əməkdar artist Tünzalə Ağayevadan təzə xəbər var. Axşam.az-ın məlumatına görə, sənətçinin sözləri Mələk Xəlilə, musiqisi özünə aid olan “Hər şey yaxşı olacaq” adlı mahnısı bütün dünyada tanınan online musiqi mağazası “iTunes Store”-da yerləşdirilib. Müğənni bu bəstənin yaxın günlərdə işıq üzü görəcək yeni alboma da daxil ediləcəyini bildirib: “Çoxdandır, albom çıxarmıram. Buna səbəb müəllif hüquqlarının lazımi qaydada qorunmamasıdır. “iTunes Store” isə dünyada minlərcə məşhurun güvəndiyi bir qurumdur. Buna görə də yenə albom çıxarmaq qərarına gəlmişəm. Burada hit olmuş və yeni mahnılar yer alacaq”.
Azərbaycanın xalq artisti İlhamə Quliyeva qızı üçün fəxri ad istəyən Aygün Kazımovanın cavabını verib. Aktual.az-ın məlumatına görə, sənətçi: “Ad vermək dövlətə məxsusdur, mən sadəcə kompliment deyirəm. Aygünün qızına titul vermək tezdir, hələ üzərində işləsin” –deyə bildirib.
Ana olandan sonra xeyli arıqlayan Ayan Babakişiyeva yeni fotosessiya etdirib. Lent.az-ın məlumatına görə, fotokameralar önünə keçən müğənni daim pəhrizdə olduğunu bildirib. “İstər ana olmadan öncə, istərsə də indi. Mən hər zaman yeməklərimə diqqət etmişəm. Ümumiyyətlə səhnə gözəlliyi sevir. Səhnədəsənsə, sənət adamısansa, daim formada olmalısan. Mən bu prinsiplə yaşayıram. İnsan formada olanda özünü rahat hiss edir”.
Müğənni Aysel Əlizadə repertuarına yeni mahnı daxil edib. Sözləri Azər Şirinə, musiqisi Tərlan Məmmədhüseynova məxsus olan mahnı “Tez gəl” adlanır. Bir müddətdir yaradıcılığına ara verən Aysel sükutu sözügedən ritmik mahnı ilə pozacağını deyib: “Mahnını eşidən kimi adamın əhvalı yüksəlir, həm də tez yadda qalır”. "Tez gəl" duet şəklində səsləndirilib. Aysel Əlizadənin bir çox mahnılarının müəllifi olan İlkin Həsəni bu dəfə həm də onun duet ortağı olub. İfaçılar bu mahnıya klip də çəkdirəcəklər.
Sahilə Aslanova
Muz-Tv.az