İkinci Beynəlxalq “Univision” yarışmasının qalibi bəlli oldu

Heydər Əliyev Sarayında Azərbaycan Respublikası Gənclər və İdman Nazirliyi, Mədəniyyət və Turizm Nazirliyi və Azərbaycan Tələbə Gənclər Təşkilatları İttifaqının

   Heydər Əliyev Sarayında Azərbaycan Respublikası Gənclər və İdman Nazirliyi, Mədəniyyət və Turizm Nazirliyi və Azərbaycan Tələbə Gənclər Təşkilatları İttifaqının birgə layihəsi olan 2-ci Beynəlxalq "Univision" Tələbələrin Mahnı Müsabiqəsi keçirilib. Tədbirdə ilk olaraq müsabiqənin təşkilatçıları, gənclər və idman naziri Azad Rəhimov, mədəniyyət və turizm naziri Əbülfəs Qarayev çıxış edərək müsabiqənin önəmindən danışıblar. Daha sonra  Azərbaycan da daxil olmaqla 21 ölkəni təmsil edən qeyri-musiqi ixtisaslı gənc tələbələrin performansı və ifalarına start verilib.

   Artıq  ikinci dəfədir ölkəmizdə "Univision" Tələbələrin  Beynəlxalq Mahnı Müsabiqəsi keçirilir.Bu dəfəki təmsilçimiz isə Azərbaycan Diplomatik Akademiyasının tələbəsi Günay Bədəlova olub. O, öz ifasını 8-ci nömrədə təqdim edib. Məşhur dünya ulduzu Beyonsun “Listen” mahnısını ifa edən təmsilçimiz Günay tamaşaçılar tərəfindən ayaq üstə alqışlanıb.

   Müsabiqədə 21 ölkə - Rusiya, İndoneziya, Xorvatiya, Pakistan, Braziliya, Şri-Lanka, Moldova, Argentina, Fransa, Qazaxıstan, Vyetnam, Estoniya, Belarus, Serbiya, Yunanıstan, Qırğızıstan, İordaniya, Albaniya, Ukrayna, Macarıstan, Azərbaycan dövlətlərinin tələbə ifaçı və münsifləri iştirak edbi. Müsabiqənin ümumi mükafat fondu 6000 avro isə təşkil edir. Gecənin qalibi səs çoxluğu ilə İndoneziyanı təmsil edən tələbə seçildi. Azərbaycan ikinci yer, Ukrayna isə üçüncü yerdə qərarlaşıb.

 

Sevda Məmmədova

Ramal Gülməmmədov

 

Muz-Tv.az