Röya Ayxanın adı məşhur “World Music Awards”-da

Müğənni Röya Ayxan məşhur «World Music Awards» mükafatının nominantlarından biri olub. Sənətçi «Worlds best female artist» nominasiyası üzrə yarışır. 

    Müğənni Röya Ayxan məşhur «World Music Awards» mükafatının nominantlarından biri olub. Sənətçi «Worlds best female artist» nominasiyası üzrə yarışır. Azərbaycanlı ifaçının adı Cennifer Lopes, Rihanna, Britni Spirs, Selin Dion, Ledi Qaqa kimi dünya ulduzları ilə eyni siyahıdadır. Hər il keçirilən «World Music Awards» beynəlxalq musiqi mükafatının qala gecəsi mayın 27-də Monakoda baş tutacaq.  Qeyd edək ki, mükafatlandırma mərasimində məşhur azərbaycanlı müğənni-bəstəkar Emin də iştirak edəcək. O, «Best Male Artist», «World's Best Live Act» və «Best Entertainer» nominasiyaları üzrə namizəddir.

    Müğənni Yaşar Cəlilov bir neçə gündür ki, Gürcüstanın Batumi şəhərindədir. Müğənni Axşam.az-a açıqlamasında qonşu ölkəyə getməyinin səbəbini açıqlayıb: “Gürcüstana bizneslə bağlı gəlmişəm. Üç gündür Batumidə bu barədə danışıqlar gedir. Biznesin hansı sahəsi olduğunu hələlik sirr saxlayıram. Təkcə onu deyə bilərəm ki, bu, Batumi şəhərini əhatə edəcək. Yəqin ki, bundan sonra bu şəhər də mənə doğma olacaq”. Yaşar yaxın günlərdə sevənlərinə bir müddətdir uzərində işlədiyi layihəsini də təqdim edəcəyini deyib.

    Türkiyədə yaşayan həmyerlimiz, model Günay Musayevaya həyat yoldaşı Tolqa Kareldən sürpriz gəlib. Aktyor hazırda "Star" kanalında yayımlanan “Survivor” yarışmasında iştirakını davam etdirir. Yarışmanın ötən həftəki buraxılışında “Məşhurlar” komandası oyunda qalib gələrək ailələrinə mesaj və fotolar göndərmək imkanı qazanmışdı. Tolqa Karel mesajında həyat yoldaşına və oğlu Cahangirə sevgisini belə ifadə edib: “Sevgili oğlum və Günay, sizin üçün çox darıxmışam. Hər şey yaxşıdır? Geri qayıtmağıma çox az qalıb. İkiniz də möhtəşəmsiniz. Gedişim səssiz oldu, dönüşüm möhtəşəm olacaq. Sevimli Günayım, həyat yoldaşım, çox çətin bir dövr keçirdim. Burada həyatımın imtahanını verdim. Sən ordasan və sənə çox inanıram. Canım Günay, ailə olmağın dəyərini anladım”.

    “Eurovision” təmsilçilərimizdən olan Səbinə Babayevadan yeni xəbər var.  Müğənni repertuarına yeni mahnı daxil etməyə hazırlaşır. O, ilk dəfə belə bir tərzdə musiqi səsləndirəcəyini bildirib. Səbinə yeni mahnısında saksafondan istifadə edəcək: “Bu alətdən Bakıda yox idi. Yeni gəlib. İlk dəfə mənim mahnımda istifadə olunub. Məndən sizlərə yeni mahnı gəlir. Ritmik, maraqlı olacaq. Əvvəlkilərdən çox fərqlidir. Əsl yay üçündür”.

 

Sevda Məmmədova

 

Muz-Tv.az