Məşhur prodüser Azərbaycanda ilkə imza atacaq

Ölkədə bir çox gözəllik yarışmalarının fəaliyyətə başladığı bir dövrdə Avropa prodüseri kimi tanınan Sultan Mustafayev fərqli bir işə imza ataraq modellərin

   Ölkədə bir çox gözəllik yarışmalarının fəaliyyətə başladığı bir dövrdə Avropa prodüseri kimi tanınan Sultan Mustafayev fərqli bir işə imza ataraq modellərin müsabiqəsini təşkil etməyə hazırlaşır. Elə bu münasibətlə media əhlini və sənətçiləri başına toplayan prodüser mətbuat konfransı keçirib.

Münsif heyətində əməkdar artist Mehriban Xanlarovanın və modelyer Nezin əyləşdiyi müsabiqə ölkədə bir ilk olacaq. Elə bu barədə danışan Sultan bəy yarışma haqqında geniş məlumat verib.

   Prodüser iştirakçılarda üstünlük verəcəkləri xüsusiyyətlərdən də söz açıb. Yarışmanın daha bir maraqlı özəlliyi isə burada balacaların da iştirak edə bilməsidir. Sən demə, Sultan bəy daha bir ilkə də imza atıb. Bir-birindən maraqlı sürprizlərin gözlənildiyi müsabiqənin münsiflərindən biri Mehriban Xanlarova hər kəsi gözəl bir gecənin gözlədiyini söyləyib. Konfrasda müsabiqədə qeydiyyatdan keçən bir neçə iştirakçının kiçik dəfiləsi də qonaqlara təqdim edilib. Tədbirin sonunda Sultan bəy münsif heyəti ilə birlikdə rəqqasə xanımın gətirdiyi tortu kəsib. Qeyd edək ki, müsabiqənin qalibləri avqustun 17-də möhtəşəm final konsertində seçiləcək. Qazanan modellər oktyabrın 26-da Şimali Koreyada keçiriləcək yarışmada ölkəmizi təmsil edəcəklər.

 

Sahilə Aslanova

Vüsal Həşimov

 

Muz-Tv.az