Cem Yılmaz yeni filminin çəkilişlərinə başlayıb

Türkiyəli məşhur yumor ustası və aktyor Cem Yılmaz "Çox yaxında" adlı təzə filminin çəkilişlərinə başlayıb. Möhtəşən yüz il" serialının “Rüstəm Paşa”sı Ozan Güvən 

   Türkiyəli məşhur yumor ustası və aktyor Cem Yılmaz "Çox yaxında" adlı təzə filminin çəkilişlərinə başlayıb. Möhtəşən yüz il" serialının “Rüstəm Paşa”sı Ozan Güvən yaxın dostunun filmində çəkilmək üçün saqqalını qırxıb və imicini dəyişib. "Çox yaxında" filminin çəkiliş prosesini əks etdirən fotolar isə sosial şəbəkədə yayımlanıb.

   Rus estradasının primadonnası Alla Puqaçova dəfələrlə sənətdən getdiyini bəyan etsə də, səhnədən ayrıla bilmir. Müğənni indi də Yurmalada keçirilən və artıq ənənəyə çevrilmiş  "Yeni dalğa" festivalında çıxış edəcək. Festival təşkilatçılarının dediyinə görə, Puqaçova Yurmalaya həyat yoldaşı, yumor ustası Maksim Qalkin və əkizləri- Harri və Liza ilə birlikdə gedəcək.  Həmçinin puerto-rikalı müğənni Rikki Martin də bu il "Yeni dalğa"nın qonağı olacaq.

   Türk sənətçisi Fərhad Göçərlə sevgilisi, kino tənqidçisi Ömür Gədiyin ayrılığı cəmi 10 gün çəkib. Cütlük 10 gün əvvəl mediaya verdiyi yazılı açıqlamada yeddi illik münasibətlərinin bitdiyini elan etmişdi. Amma dünən sevgililər maşında işıqforun yaşıl işığının yanmağını gözləyərkən obyektivlərə tuş gəlib. Fərhad Göçərlə Ömür müxbirlərin suallarını cavabsız qoyub.

   Hollivudun məşhur aktrisası Nikol Kidmanın açıqlaması hər kəsi təəccübləndirib. O,  bildirib ki, əgər həyat  yoldaşı Kit Urban ondan kinonu tərk etməsini istəsəydi, məmnuniyyətlə bunu edərdi. Aktrisa vurğulayıb ki, ailəsinə görə istənilən şeydən imtina etməyə hazırdır. Nikol söyləyib ki, çəkiləcəyi rolları da əri ilə məsləhətləşdikdən sonra qəbul edir: “Əgər o, “yox” desə, mən o roldan imtina edərəm. Bilirəm, bu, köhnə dəb kimi səslənir, amma mən onunla məsləhətləşməliyəm. Çünki film bizə pis təsir edəcəksə, onda mən işimdən həzz almayacağam”.
Həyat yoldaşına görə edə bilməyəcəyi heç nə olmadığını qeyd edən Kidman ona görə aktyorluq karyerasına da son qoymağa hazırdır: “Bəli, əgər o, məndən xahiş etsəydi ki, karyeramı bitirim, heç tərəddüdsuz qəbul edərdim”.

 

Sahilə Aslanova

 

Muz-Tv.az