Şou əhlindən yeniliklər var
10 ay əvvəl üçüncü dəfə ata olmağın sevincini yaşayan əməkdar artist Yaqub Zurufçunun övladının səhhətində problem yaşanıb.
10 ay əvvəl üçüncü dəfə ata olmağın sevincini yaşayan əməkdar artist Yaqub Zurufçunun övladının səhhətində problem yaşanıb. Müğənni Atilla adlı körpəsini özəl klinikalardan birində müalicə etdirir. Sənətçi bildirib ki, oğlunun səhhəti indi yaxşıdır: “Qoy heç kim narahat olmasın, maşallah, balamız aslan kimidir. Onu tez-tez həkim nəzarətindən keçiririk ki, daha yaxşı böyüsün”- deyərək müğənni mətbuata belə açıqlama verib.
Ramazan ayı bitdikdən sonra tanınmış estrada müğənnisi İzzət Bağırov yarımçıq qalan işlərini davam etdirəcək. İfaçı bəstəkar Ruslanın “Əmanət”mahnısına klip çəkdirməyi planlaşdırır. Rejissor Nail Naiboğlu artıq klipin ssenarini hazırlayıb. Çəkilişlər isə Bakıda və Azərbaycanın dilbər güşələrindən biri olan Xızıda aparılacaq. Müğənninin yenilikləri bununla məhdudlaşmır. O, sentyabr ayında yeni albomunu sevənlərinə təqdim etməyi də vəd verib.
Azərbaycanın xalq artisti Faiq Ağayev yaradıcılıq işlərini davam etdirir. Müğənni işləri barəsində “facebook” sosial səhifəsində paylaşıb: “İstirahətdən dünən qayıtmışam. Hazırda səsyazma studiyasındayam. Burada ağır, gərgin, maraqlı və əsl zövq verən tərzdə işləyirəm. Ancaq bütün bunlara baxmayaraq, hər şeydən çox razıyam. 2 müxtəlif studiyada 2 yeni mahnı ərsəyə gətirmək üzrəyəm “- deyərək Faiq Ağayev sevənlərinə müjdə verib.
Azərbaycanın əməkdar artisti, müğənni Abbas Bağırov yeni işindən danışıb. İfaçı oktyabrın sonuna yeni albomunu hazırlayacaq. Albomda yeni mahnılar da yer alacaq. Əməkdar artist “Aləm gözəl 2” layihəsi barəsində də yaxın günlərdə ətraflı məlumat verəcək.
Türkiyənin tanınmış aktrisası Beren Saat müğənni sevgilisi Kənan Doğuluya doğum günündə suvenir ulduz hədiyyə edib. Aktrisa hədiyyəyə 120 min manat pul xərcləyib. Qeyd edək ki, Beren Saat aldığı hədiyyəyə “Kenan Doğulu” adını verib.
Türkiyədə yaşayan Azeri Günel hər gün nişanlısı ilə birgə iftar açır. Hazırda xoşbəxt olduğuna işarə edən müğənni şəxsi həyatı ilə bağlı geniş açıqlama vermək istəməyib. Səbəbi o, nəzərə inanması ilə əlaqələndirib. Azəri Günel hazırda möhtəşəm bir layihə üzərində çalışır. Müğənni hələlik bu barədə geniş açıqlama vermək istəmir.
Xəyalə Əzizova
Muz-Tv.az