Kann festivalında azərbaycanlı aktyorun oyunu bəyənildi

67-ci Beynəlxalq Kann kinofestivalı sona çatmaq üzrədir. Festivalın qısametraj  bölməsində iştirak edən 3450 ekran işi arasından finala çıxan 9 filmin siyahısında 

    67-ci Beynəlxalq Kann kinofestivalı sona çatmaq üzrədir. Festivalın qısametraj  bölməsində iştirak edən 3450 ekran işi arasından finala çıxan 9 filmin siyahısında Azərbaycan və Rusiyanın birgə istehsalı olan "Sonuncu" da var. Rejissor Sergey Pikalov tərəfindən çəkilmiş filmdə baş rolun ifaçısı, aktyor İdris Rüstəmovun oyunu xüsusilə bəyənilib. "Sonuncu" filmi yer üzündəki sonuncu II Dünya Müharibəsi veteranından bəhs edir. Qeyd edək ki, builki Kann festivalında Azərbaycan S.Pikalovun "Sonuncu", Elmar İmanov və Engin Kundağın "Torn", Rəşad Babayevin "Sərnişin" qısametrajlı filmləri ilə təmsil olunur.

   İfaçı-bəstəkar Emin ukraynalı müğənni Svetlana Loboda ilə çəkdirdiyi klipini “Youtube” kanalında yerləşdirib. Ekran işi Svetlana və Eminin duet şəklində oxuduğu “Səmaya baxırsan” adlanan mahnıya çəkilib. Klipdə Loboda Eminin xəyalındakı cəzbedici mələyi canlandırır. Qeyd edək ki, Emin bir neçə gün əvvəl “Səmaya baxırsan”a təmtəraqlı təqdimat mərasimi keçirib. 

   Əməkdar artist Almaz Ələsgərli istirahətdən qayıdıb.  Müğənni qızları ilə birlikdə istanbulda dincəldiyini bildirib: “Mayda iş az olur. Mən də fürsətdən istifadə edib qızlarımla İstanbula getdim. O şəhərdə gəzməyi sevirəm. Ən çox da dəniz kənarında balıq tutub, kabab yeməyi. Bu dəfə də eyni şeyləri etdim”.

    Əməkdar artist Elza Seyidcahan müğənni Günay İbrahimli üçün mahnı bəstələyib. Sənətçi bu haqda Axşam.az-a açıqlamasında deyib. Sözləri də Seyidcahana aid olan "Paralandım" mahnısı hazırda aranjiman olunur. “Mahnını Günayla duet şəklində oxuyacağıq. Duet təklifi məndən gəldi, Günay da razılaşdı" deyən Elza  bəstənin yaxın günlərdə  dinləyicilərin ixtiyarına veriləcəyini bildirib.

 

Sərvər Mehdiyev

 

Muz-Tv.az