“Monako şahzadəsi” filminin premyerası oldu

Dünya kinosunun nümayişini reallaşdırması ilə tanınan “28 Cinema” yenə öz ənənəsinə sadiq qalıb. Bu dəfə isə kinomanlar “Monako şahzadəsi” filminin ilk izləyicisi 

   Dünya kinosunun nümayişini reallaşdırması ilə tanınan “28 Cinema” yenə öz ənənəsinə sadiq qalıb. Bu dəfə isə kinomanlar “Monako şahzadəsi” filminin ilk izləyicisi olublar. Mayın 21-də “28 Cinema” kinotatrı Kann festivalının açılış proqramına daxil edilən “Monako şahzadəsi” filmi üçün möhtəşəm təqdimat gecəsi keçirib.

Filmsevərlərin axınına uğrayan tədbirdə ilk olaraq kinoteatrın direktoru Elnarə Rəhimova film haqqında məlumat verib.

   Elnarə xanım bundan sonra da “28 Cinema” olaraq müxtəlif  festivallarda iştirak edən filmlərin nümayişini davam etdirəcəklərini bildirib. Qeyd edək ki, Film Monako şahzadəsindən və onun seçimindən bəhs edir. Hollivud onun ayaqlarının altında ikən, möhtəşəm villalar, Oskar ziyafətləri və cazibəli kişilər olduğu halda onun seçimi Fransa yaxınlığında kiçik ölkənin şahzadəsi, şah sarayı və zadəgan balları olur. O, Hollivudun kraliçası olarkən, Monakonun Şahzadə xanımı olmağı üstün tutur. Film dram və tərcümeyi-hal janrında çəkilib. Filmin rejissoru Olivye Daan, Monako şahzadəsi rolunu isə məşhur Hollivud ulduzu Nikol Kidman oynayıb.

   Qeyd edək ki, “28 Cinema” iyun ayında yapon filmləri festivalı təşkil edəcək. Kinoteatrın direktoru Elnarə xanım girişin pulsuz olacağını vurğulayıb.

 

Sahilə Aslanova

Sərvər Mehdiyev

Çingiz Abdullayev  

 

Muz-Tv.az