Ancelina Coli bosniyalılara yardım etdi

Hollivud aktrisası, xeyriyyəçiliyi ilə məşhur olan Ancelina Coli və futbolçu Zlatan İbrahimoviç sel fəlakətinə məruz qalmış Bosniyaya yardım edib. 

   Hollivud aktrisası, xeyriyyəçiliyi ilə məşhur olan Ancelina Coli və futbolçu Zlatan İbrahimoviç sel fəlakətinə məruz qalmış Bosniyaya yardım edib.  Aktrisa Qızıl Xaç vasitəsilə təbii fəlakətdən zərər çəkmiş bir milyondan çox insana kömək məqsədilə 50 min dollar göndərib. Bununla bağlı açıqlama verən Coli "Müharibədən çıxmış bir ölkənin təbii fəlakətə məruz qalması faciədir. Doğmalarını və evlərini itirmiş insanlar üçün dua edirəm" deyib.
   Müğənni Şakira yeni klipini təqdim edib. Ekran işi bu il Braziliyada keçiriləcək futbol üzrə dünya çempionatına həsr olunub. “La la la” adlanan mahnının ekran əsərində bir çox məşhur futbolçular yer alıb. Ən maraqlısı isə odur ki, klipdə Şakiranın sevgilisi Pike və oğlu Milan da var. Olduqca pozitiv əhval-ruhiyyədə çəkilmiş həmin klipi təqdim edirik.

   Dünyaca məşhur aktrisa Şarliz Teron şəxsi həyatından danışıb. O, “Vogue” jurnalına verdiyi müsahibədə sevgilisi Şon Pennlə olan münasibətinə də toxunub. Müsahibə ilə yanaşı, bir-birindən cazibədar fotolar da çəkdirən Şarliz çimərlik geyimində kamera qarşısına keçib. “Mən heç vaxt ağ don arzusunda olmamışam. Əlbəttə ki, gəlinlik geyinmək gözəldir. Amma tamamilə dürüst olmaq lazımdırsa, o zaman deyə bilərəm ki, mənim üçün bu, xoş deyil. Yaxşı başa düşürəm ki, həyatımdakı nələr məni xoşbəxt edə bilər. Sadəcə siz düşünməlisiniz: “Bu insan sizi daha yaxşı edə bilərmi?. Mənim həyatım olduqca maraqlı və rəngarəngdir” - deyə Ş.Teron bildirib.

   Məşhur model Keyt Moss Böyük Britaniyanın ən zəngin modeli seçilib. Ulduzun gəliri 55 milyon funt sterlinqdir.Bu ilin yazında Keyt Moss şəxsi kolleksiyasını təqdim edib. Həmçinin, model redaktorluğunu etdiyi “Vogue” jurnalının siması olub. “Playboy” dərgisi üçün də kamera qarşısına keçən Keyt, bununla yanaşı, “Burberry” ətrinin üzü olub. Bütün bunlar da ulduza milyonlar qazandırıb. Naomi Kempbell də çox gəlir əldə edən modellər sırasındadır. O, il ərzində 20 milyon funt sterlinq qazanıb. 

 

Sərvər Mehdiyev

 

Muz-Tv.az