“Victoria's Secret”-in mələyi dünyanın ən cazibədar qadınıdır
“Victoria's Secret”-in 25 yaşlı mələyi Kendis Sveynpol dünyanın ən cazibədar qadını seçilib. Amerikada çıxan “Maxim” jurnalı “dünyanın 100 ən cazibədar qadını”nı
“Victoria's Secret”-in 25 yaşlı mələyi Kendis Sveynpol dünyanın ən cazibədar qadını seçilib. Amerikada çıxan “Maxim” jurnalı “dünyanın 100 ən cazibədar qadını”nı müəyyənləşdirib. Cessika Alba, Mila Kunis, Elizabet Yohansson, İrina Şeyk kimi gözəllərin daxil olduğu siyahıda birinci yeri model Kendis Sveynpol tutub. Kendis belə bir ada layiq görülməyin onun üçün böyük şərəf olduğunu deyib.
Los Ancelesdə müğənni Cennifer Lopezin münsifliyini etdiyi “American İdol” yarışmasının final mərhələsi keçirilib. Hər zaman cazibədar görünməyi bacaran Cennifer final şousunda da ənənəsinə sadiq qalib. Yarışmadan milyonlar qazanan ifaçı səhnədə maraqlı çıxışlar edib. Müxtəlif geyimlərlə diqqəti üzərinə cəlb etməyi bacaran sənətçi gecənin qaliblərindən də çox danışılan adlar arasında olub. İfaçının dəlisov çıxışları da böyük maraq doğurub.
Türkiyəli aktrisa, "Möhtəşəm yüz il" serialının "Mihrimah Sultan"ı Pelin Karahan ailə qurur. 6 ay əvvəl boşanan və yenidən evlənməsi üçün 10 ay gözləməli olan ulduz bu müddətin ləğv edilməsi üçün məhkəməyə müraciət etmişdi. Artıq aktrisanın müraciətinə baxılıb və qəbul edilib. Pelin Karahan rahatlıqla ailə qura bilər. 300 günlük müddətin aradan qaldırlması üçün hamilə olmadığını isbatlayan Karahanın istəyi hakim tərəfindən müsbət qarşılanıb. Beləliklə, ortada maneə olmadığı üçün o, 3 aylıq sevgilisi Bedri Güntayla nikah masasına oturacaq.
Dünyanın ən çox qazanan modellərindən olan Tayra Benks illər ötsə də, gənc həmkarlarına meydan oxumağa davam edir. Bu günlərdə ulduz yenidən fotokamera qarşısına keçib. O, “Black” dərgisinin səhifələrini bəzəyib. Model “barbi” obrazını canlandırıb. Fotolarla yanaşı, Tayra maraqlı müsahibə də verib. O, “America's Next Top Model” şousundakı əsas məqsədlərindən danışıb: “Bu şouda əsas məqsədim gözəl seçmək deyildi, model olmaq üçün fərqli potensiala sahib olmaq gərəkdir. Klassik gözəllik standartları hələ model olmaq üçün keçərli deyil. Mənim indiki etirasım insanlarda bu fikri dağıtmaq və yeni gözəllik kateqoriyaları formalaşdırmaqdır”.
Sahilə Aslanova
Muz-Tv.az