Sevda Ələkbərzadə həyat yoldaşı üçün mahnı səsləndirdi

Əməkdar artist Sevda Ələkbərzadə əcnəbi vətəndaş Kamiyar ilə ailə həyatı qurub.  Axşam.az-ın məlumatına görə, sənətçinin mediaya qapalı keçən toy mərasimindən...

   Əməkdar artist Sevda Ələkbərzadə əcnəbi vətəndaş Kamiyar ilə ailə həyatı qurub.  Axşam.az-ın məlumatına görə, sənətçinin mediaya qapalı keçən toy mərasimindən ilk görüntülər artıq internetdə yayımlanıb. Sevda toyda həyat yoldaşı üçün mahnı da səsləndirib. Şou-biznesin tanınmış simalarının qatıldığı gecədə maraqlı anlar yaşanıb. Mərasimdən videonu təqdim edirik.  Xatırladaq ki, Sevda Ələkbərzadənin həyat yoldaşı Cənubi Azərbaycandandır.

   Müğənni Rəqsanə İsmayılovanın yeni lentə aldırdığı klipindəki libası söz-söhbətə səbəb olub. Belə ki, məşhur ulduz Beyons da kliplərindən birində açıq-saçıqlığı ilə diqqət çəkən paltarın eynisindən geyinibmiş. Rəqsanə isə bu bənzərlik haqqında şərh verməkdən imtina edib.

   Müğənni İlhamə Qasımova "Big Apple Music Awards Foundation”a qatılıb. Mayın 25-də baş tutan qala gecəsində azərbaycanlı ifaçı “Best Azerbaijan female singer” nominasiyasında mükafata layiq görülüb.  Nyu-Yorkda baş tutan gecədə Asiya ölkələrindən olan tanınmış ifaçılar iştirak edib. Gecənin nominantları arasında xalq artisti Brilliant Dadaşova da olub.  İlhamə Qasımovanın tədbirə geyindiyi  qısa ətəyi diqqət çəkib.

   Müğənni Günel Zeynalovanın nişanlısı ilə yeni fotosu yayılıb. Sənətçinin nişanlısı ilə uzun müddətdir birlikdə şəkillər paylaşmaması ayrılmaları ilə bağlı şayiələr yaymışdı. Söz-söhbətlərə yeni fotosu ilə son qoyan Günel nəzərdən qorxduğu üçün bunu etmədiyini bildirib.  Qeyd edək ki, sənətçinin nişanlısı İnanc Başəyməz adlı iş adamıdır. O, Günellə Türkiyədə orta məktəbdə bir yerdə oxuyub. Cütlük 2011-ci ilin iyunundan nişanlıdır.

 

Sahilə Aslanova

 

Muz-Tv.az