Gənclər balaca Laləni xilas etmək üçün aksiya keçirir

Artıq bir müddətdir ki, ölkənin bir qrup gənci Lalə adlı balamızın sağlamlığına qovuşması üçün qollarını çirmələyiblər.

    Artıq bir müddətdir ki, ölkənin bir qrup gənci Lalə adlı balamızın sağlamlığına qovuşması üçün qollarını çirmələyiblər. Kəskin leykoz xəstəliyindən əziyyət çəkən Lalənin üzünün yenidən gülməsi üçün isə 200 min avroya ehtiyac var. Elə buna görə müxtəlif xeyriyyə aksiyalarına imza atan gənclərimiz mətbuat konfransı keçiriblər.

Aksiyaların təşkilatçılarından biri olan Cavid bəy Lalə balamızın sağlamlığına qovuşması üçün bir neçə mərhələdən keçməli olduğunu bildirib. Bunun üçün isə  kifayət qədər vəsaitə ehtiyac var.

   Cavid bəy xeyriyyə kampaniyası çərçivəsində müxtəlif aksiyalar, konsertlər keçirdiklərini də bildirib. Yardım kampaniyasının digər təşkilatçılarından biri Turab bəy Lalənin ailəsi ilə görüşdüklərini və dəstək üçün video çarx hazırladıqlarını söyləyib. Hazırda Lalənin anasının müraciətinin  yer aldığı video çarxdan bir hissəni sizə təqdim edirik. Qeyd edək ki, kampaniya çərçivəsində paytaxtın məşhur əyləncə mərkəzlərindən birində xeyriyyə konserti də reallaşıb.

 

Sahilə Aslanova

Elfaq Lələyev

 

Muz-Tv.az