Demet Akalın: “Sənət filmindən, ya da bir rəsm əsərindən başım çıxmır, kitab oxumuram”

Türkiyəli popçu Demet Akalın qonaq kimi dəvət olunduğu proqramların birində hər kəsi təəccübləndirən açıqlamalar verib.  

    Türkiyəli popçu Demet Akalın qonaq kimi dəvət olunduğu proqramların birində hər kəsi təəccübləndirən açıqlamalar verib.  Müğənni Nuri Bilgə Ceylanın "Qış yuxusu" filminin Kandakı qələbəsinə münasibət bildirərkən "Çox sevindim, amma filmə tezliklə baxacağımı düşünmürəm. Açığını desəm, sənət filmindən, ya da bir rəsm əsərindən başım çıxmır, kitab oxumuram. Maraqlı bir şey olanda kitabxanaya gedirəm, axırıncı səhifələri oxuyub yerinə qoyuram. Əslində bu yaxşı hərəkət deyil"  deyib. Qızı Hira ilə bağlı sualları da cavablandıran Akalın artıq sosial şəbəkədə onun şəkillərini paylaşmayacağını qeyd edib:  "Qızımın sosial şəbəkədə paylaşdığım bütün fotolarını sildim. Göz dəyir. Daha paylaşmayacam".

    Hollivudun ən cazibədar qadınlarından biri olan Cessika Bill həyat yoldaşı Castin Timberleyki oteldə tək qoyaraq alış-verişə çıxıb. Turne çərçivəsində İtanbula gələn ulduzun həyat yoldaşı Cessika tarixi Qapalı çarşını gəzib. Çoxlu şəkil çəkdirən Cessika tanınmamaq üçün ciddi cəhdlər edib. Aktrisa bəyəndiyi  bir üzük üçün 15 min dollar ödəyib. Gəzdiyi hər yerdə gülümsəyən Bilin şalvarının isə cırıq olması diqqətdən qaçmayıb.

    Hollivud aktyoru Çarli Şin Tvitterdəki profilində Rihannanı tənqid atəşinə tutub. Belə ki, ulduzun Çarlinin porno aktrisa nişanlısı Brett Rossi ilə tanış olmaq istəməməsi onun qəzəbinə səbəb olub. Sevgilisinin Rihannanın fanatı olduğunu deyən aktyor onun bu hərəkətini mədəniyyətsizlik adlandırıb. Həmçinin Çarli Şin Rihannanın bu yaxınlarda cəmiyyətdə çəhrayi pariklə görünməsini də ələ salıb. “İndi Helloin deyil. Amma geyimini indi yoxlamağın yaxşı haldır. Zirvədən aşağı düşəndə görüşərik. Ya da görüşməsək yaxşıdır”. Rihannanın aktyora cavabı isə lakonik olub. Belə ki, ulduz İnstaqram fanatına avtoqraf verərkən çəkilən fotosunu yerləşdirib. Şəkildə maraqlı olan isə sözügedən heyranın bədənində Çarli Şinin təsvirinin yer alması olub.

   “Billi öldürmək” filminin ulduzu Uma Turman 67-ci Kann kinofestivalının kraliçası seçilib. Qırmızı xalıda mələk qanadlarına bənzəyən ağ libasda çıxan Turmanın gözəl bədən quruluşu hər kəsi heyran edib. Həmçinin paparazzi rejissor Kventin Tarantinonun onunla səmimi davranmasını da xüsusilə qeyd edib.

 

Sahilə Aslanova

 

Muz-Tv.az