Elton və Sevdanın konsertindən ən maraqlı görüntülər

Ötən gün Heydər Əliyev Sarayında müğənni Sevda Yahyayeva və Elton Hüseynəliyevin konserti reallaşıb.

    Ötən gün Heydər Əliyev Sarayında müğənni Sevda Yahyayeva və Elton Hüseynəliyevin konserti reallaşıb.“Ömür yarıda qalmasın” şüarı ilə keçirilən tədbirdən əldə olunan gəlir skalioz xəstəliyindən əziyyət çəkən Nübar və Leyla Rəsulovaların müalicəsinə sərf ediləcək. Gecəyə qatılan şou əhli də həmkarlarının bu addımını yüksək dəyərləndiriblər. Konsertə başlamazdan öncə isə təşkilatçılar bu xeyriyyə tədbirində yaxından əməyi olan insanları xüsusi diplomlarla təltif ediblər. Bir-birindən sevilən ifaları ilə tamaşaçılara maraqlı gün yaşadan Sevda və Elton şouları ilə də diqqət mərkəzində olublar.

    Sevda və Eltonla yanaşı, Fatimənin rəqsi də gecəyə maraq qatıb. Tədbirin maraqlı məqamlarından biri isə Sevdanın Elçin Cəfərovu səhnəyə dəvət edib son vaxtların hər kəs tərəfindən sevilən dueti olan “Səni sevirəm”i oxumaqları olub.

    Sonda onu da qeyd edək ki, xeyriyyə məqsədi daşıyan konsertin biletləri 10-30 manat arası olub.

 

Sərvər Mehdiyev

Çingiz Abdullayev

 

Muz-Tv.az