Bekhemlər Malibu çimərliyində

Məşhur futbol ulduzu Devid Bekhem ailəsi ilə birlikdə Malibu çimərliyində paparazzilərə hədəf olub. 

   Məşhur futbol ulduzu Devid Bekhem ailəsi ilə birlikdə Malibu çimərliyində paparazzilərə hədəf olub.  Futbolçu dörd uşağı və həyat yoldaşı Viktoriya ilə bütün günü sahildə istirahət edib, dənizdə üzüb, kiçik qızı Harperin fotolarını çəkib. Havanın isti olmağına baxmayaraq Viktoriya Bekhemin köynəyini və papağını çıxarmaması diqqət çəkib.

   Türkiyəli aktyor, gənc qızların sevimlisi Çağatay Ulusoy istirahətə yollanır. Ulduz çəkiliş meydanında yaşadığı yorğunluğu Meksikada dincəlməklə çıxardacaq.  Ulusoy jurnalistlərin "Sevgiliniz Serenay Sarıkaya da sizinlə tətilə gedəcəkmi" sualına sadəcə gülümsəməklə cavab verib. Qeyd edək ki, bir müddət əvvəl Serenay Sarıkaya efirlərdən birində heç vaxt aşiq olmadığını demişdi.

   "Möhtəşəm yüz il"in ikinci “Hürrəm Sultan”ı Vahidə Gördüm  serialdan ayrılandan sonra müəllimlik fəaliyyətinə başlayıb. Aktrisa "35 buçuk" adlı Sənət Akademiyasında dərs deyir. Çəkilişlərə görə müvəqqəti tələbələrindən uzaq düşən Gördüm onların yanına təzə dərs proqramı ilə qayıdıb. "Müasir aktyorluq" adlı proqramın köməyi ilə yeni ulduzlar kəşf etməyi planlaşdıran aktrisa artıq tələbə seçiminə başlayıb.

   “W Magazine” jurnalının yeni sayının səhifələrini Coni Deppin evlənməyə hazırlaşdığı gənc sevgilisinin çılpaq fotoları bəzəyib.  Öz bədənini nümayiş etdirməkdən çəkinməyən Ember Herd keçmiş sevgililəri ilə olan münasibətindən də söz açıb. O, sakit olmadığını və istənilən kişini başdan çıxartmağı bacardığını deyib. Elə ulduz bununla da Coni Deppin ailəsini dağıtması ilə bağlı xəbərləri təsdiqləmiş olub.

 

Sahilə Aslanova

 

Muz-Tv.az