Üç nominasiya üzrə qalib olan Emin Ağalarov Bakıya gəlir

İfaçı-bəstəkar Emin gələn həftə Bakıya gələcək. Axşam.az-ın məlumatına görə, tanınmış ifaçı Bakıda media nümayəndələri ilə görüşəcək.

   İfaçı-bəstəkar Emin gələn həftə Bakıya gələcək. Axşam.az-ın məlumatına görə, tanınmış ifaçı Bakıda media nümayəndələri ilə görüşəcək. İyunun 2-də "Sea Breez"də planlaşdırılan görüş "World Music Awards” mükafatına həsr ediləcək. Qeyd edək ki, Emin adıçəkilən yarışmada «Best Male Artist», «World's Best Live Act» və «Best Entertainer» nominasiyaları üzrə namizəd olub. İfaçı bir nominasiya üzrə qalib elan edilib.

   Türkiyədən qayıdan müğənni Nadir Qafarzadədən yeni xəbər var.Sənətçi söz və musiqisi Fərid Kərimiyə məxsus “Göndər” adlı bəstəsini dinləyicilərinə təqdim edib. Mahnı barədə öz fikirlərini bölüşən müğənni bildirib ki, ona klip də çəkdirəcək: “Xeyli müddət idi ki, bu ritmik mahnı üzərində işləyirdik. Nəhayət, bu günlərdə hazır oldu. Seviləcəyinə inanıram. Onu eşidənlər müsbət fikir söyləyir”.

   Müğənni Röya Ayxanın oğlu Hüseyn “Bakılı oğlanlar” komandasının kapitanı, mərhum Anar Məmmədxanovun həyat yoldaşı İradə xanımın restoranında olub. Balaca Hüseyn mətbəxə keçərək suşi də hazırlayıb. 

   Bir neçə gün öncə ailə həyatı quran əməkdar artist Sevda Ələkbərzadə toyundan sonra ilk dəfə canlı yayıma çıxıb.  Yerli kanalların birində qonaq olan müğənni sənətindəki yeniliklərdən  danışıb: “Gürcüstanda təzə klip çəkdirmişəm. Bu dəfə rejissor Zazaya müraciət etmədim, çünki artıq Azərbaycanda hamı ona klip çəkdirir. Ekran işinin rejissoru Qaqa Qabrieldir. Bu klipin nə Azərbaycanda, nə də Gürcüstanda analoqu yoxdur. Bir kadra çəkmişik, montaj olunmayacaq. Gürcü xoru ilə birlikdə səsləndirmişəm. Bu əsəri indiyə qədər heç kim oxumayıb. Onu yeni albomuma daxil etmişəm. Albom isə iyunun sonunda işıq üzü görəcək”.

 

Sərvər Mehdiyev

 

Muz-Tv.az