Conni Depp illüziyaçı olacaq

Tanınmış aktyor Conni Depp dünyanın məşhur illüziyaçılarından biri - Harri Haudinin həyatından bəhs edən filmdə baş rolda oynayacaq. “Haudinin gizli ...

   Tanınmış aktyor Conni Depp dünyanın məşhur illüziyaçılarından biri - Harri Haudinin həyatından bəhs edən filmdə baş rolda oynayacaq. “Haudinin gizli həyatı” adlı film, Vilyam Kaluş və Larri Slomanın 2007-ci ildə yazdığı kitab əsasında çəkiləcək. Zəncirlə bağlı olduğu halda, qıfıl vurulmuş sandıqdan xilas olma səhnəsinə görə populyarlıq qazanan Haudinin obrazını yaradacaq Depp, rolu haqqında “yaşayan əfsanələrdən birini canlandıracağım üçün çox həyəcanlıyam” deyib.

   Türkiyəli model Ebru Şallı sevgilisi, bəstəkar-müğənni Sinan Akçılın ad günü münasibətilə Venesiyada romantik bir gecə təşkil edib. Cütlük gecəni keçirmək üçün “Oceans's Twelve” filmində Bred Pitt və Ancelina Colinin qaldığı “Cipriani Otel”i seçib. Şallı sevgilisinə sürpriz olaraq ad günü tortu və şam yeməyi hazırlatmaqla yanaşı, xüsusi gəzinti də təşkil edib.

    Dünya şöhrətli müğənni Corc Maykl Londondakı evində olarkən halı pisləşib və xəstəxanaya aparılıb. Pop ulduzun narkotik qəbul etdikdən sonra vəziyyətinin dəyişdiyi deyilsə də, prodüseri bu faktı təkzib edib. O, Corc Mayklın təkrar müayinə üçün xəstəxanaya getdiyini bildirib. Müğənninin qonşuları isə evin qarşısına təcili tibbi yardım maşınının gəldiyini və Corc Mayklın huşsuz vəziyyətdə xəstəxanaya aparıldığını deyiblər.

    Hollivud aktyoru Bred Pitt həyat yoldaşı Ancelina Colinin yeni şəkillərini paylaşıb. O, həyat yoldaşının maraqlı və cazibədar fotolarını sevənləri ilə bölüşməkdən çəkinməyib. Ağ-qara şəkillərdə Colinin emosiyaları əks olunub.

 

Sahilə Aslanova

 

Muz-Tv.az