Dəniz Səkinin anası danışdı

Türkiyəli müğənni Dəniz Səkinin anası qızının yerini söyləyib. Narkotik ticarəti cinayətindən 6 il 3 ay həbsə məhkum olunmuş Dəniz Səki haqqında tutulma əmri verilib

   Türkiyəli müğənni Dəniz Səkinin anası qızının yerini söyləyib. Narkotik ticarəti cinayətindən 6 il 3 ay həbsə məhkum olunmuş Dəniz Səki haqqında tutulma əmri verilib. Polis müğənnini həbs etmək üçün dörd müxtəlif ünvana getsə də, onu tapa bilməyib. Bu zaman hər kəsin beynində“Dəniz Səki qaçıbmı” sualı dolaşmağa başlayıb. “Vətən” qəzetinin müxbiri  müğənninin anası Gülər Səki ilə əlaqə yarada bilib. Telefonda hıçqıraraq ağlayan qadın kürəkəninin rəhmətə getdiyini və Dənizin son ana qədər xəstəxanada, bacısının həyat yoldaşının yanında olduğunu bildirib. Hüzr mərasimində olan Gülər Səki güclə danışaraq “Qızım üçün dua edin” deyib.

   “Miss Türkiyə -2014” gözəli Əminə Gülşəyə Adriana Lima və İrina Şeykin qarışığı deyirlər.Gülşə bu bənzətmə barədə belə deyib: “Uşaqlıqdan məni Adriana Limaya oxşadırlar. Buna səbəb qalın qaşlarım və göz quruluşumdur. Məktəb illərində yolda mənə “Adriana” deyə səslənərdilər. Müsabiqə gecəsi isə sosial mətbuatda İrina Şeykə bənzətməyə başladılar. Onlara oxşadılmağım çox gözəldir. Amma, məncə, türk qadınları Adriana və İrinadan daha gözəldirlər”.

   38 yaşlı aktrisa Ancelina Coli yalnız film sahəsində qazandığı uğurlarla deyil, xeyriyyəçilik missiyası ilə də diqqət mərkəzindədir. Bütün dünyaya yardım edən aktrisa ailə qurmağa belə vaxt tapmır.  “USA Today” jurnalına müsahibə verən ulduz bu yaxınlarda ailə qurmayacağını deyib. Onun sözlərinə görə, toy mərasimi haqqında hələ ki, heç bir plan yoxdur və deyilənlər həqiqəti əks etdirmir:  “Ortada nə toy, nə gəlinlik, nə də bu barədə fikir var. İkimiz də ictimai insanıq. Bizi milyonlar izləyir. Əgər belə bir fikrimiz olarsa, mütləq hər kəsə açıqlayacağıq”. 

   ABŞ-ın “Lifetime” kanalı Uitni Hyuston haqda televiziya filmi çəkməyi planlaşdırdığını bəyan edib. Müğənninin ailəsi isə telefilmin çəkiləcəyi təqdirdə telekompaniyanı məhkəməyə verəcəyini deyib. Qohumlarının fikrincə, müğənni kabel televiziyasında göstəriləcək bir telefilmdən daha artığına layiqdir.Telekanal bir müddət əvvəl Hyustonun həyatı haqda film çəkmək planı olduğunu demişdi. Baş rolda Anjela Bassetin oynadığı film 2015-ci ildə efirə çıxmalıdır. Hyustonun ailəsi bildirib ki, müğənnidən özləri film çəkmək niyyətindədirlər. Onun qohumlarından biri deyib ki, müğənni sağ olsaydı, haqqında televiziya filmi çəkməyə razılaşmazdı.

 

Sərvər Mehdiyev

 

Muz-Tv.az