Emin oğlanları ilə bir arada

İfaçı-bəstəkar Emin həftəsonu Bakıya gəlib. O, oğlanları Əli və Mikayılla dəniz kənarında istirahət edib. 

   İfaçı-bəstəkar Emin həftəsonu Bakıya gəlib. O, oğlanları Əli və Mikayılla dəniz kənarında istirahət edib. Sənətçi şəkillərini sosial şəbəkədəki hesabında paylaşıb. Qeyd edək ki, Emin bu gün "Sea Breeze" otelində media nümayəndələri ilə görüşəcək.
   Müğənnilər Nadir Qafarzadə və Röya Ayxan Şamaxıda yeni otelin istifadəyə verilməsi  münasibətilə konsert proqramı ilə çıxış ediblər. Tədbiri "Nazəndə sevgilim" mahnısı ilə Qafarzadə açıb və qonaqları salamlayıb. “Bu gün Şamaxıda sizin qarşısında mahnı ifa etmək mənim üçün çox xoşdur. İnanıram ki, bundan sonra da tez-tez görüşəcəyik. Sizləri çox sevirəm”- deyən müğənni sevilən mahnılarını ard-arda düzüb. Daha sonra səhnə Röyanın ixtiyarına keçib. Gecədə rəqqasə Oksana Rəsulova və türkiyəli müğənni Dilək Şimşək də iştirak edib. 

   Müğənni Günay İbrahimli “Dəlisiyəm gecənin” adlı yeni mahnısı üçün çimərlikdə fotosessiya etdirib. Bəstənin sözləri NADO-ya, musiqi isə Pərviz Mahmudova məxsusdur. Aranjimanını Elvin Musayevin etdiyi mahnı yaxın günlərdə təqdim ediləcək. “Dəlisiyəm gecənin” bəstəsinə klip çəkilməsi də nəzərdə tutulub. Ekran işini Rza Əsgərov ərsəyə gətirəcək. 

   Müğənni Ayan Babakişiyeva yenə də libasları ilə gündəmə gəlib. Sənətçi məşhur brendlərə üstünlük verdiyini bildirib: “Əynimdəki libas "Christian Dior"-dandır. Viktoriya Bekhemin geyim tərzi mənə daha yaxındır. Son vaxtlar çox arıqlamışam. Buna görə də gözəl paltarlar geyinirəm. Buna hər zaman  xüsusi diqqət ayırıram, qarderobuma brend geyimlər yığmağı xoşlayıram”.

 

Sərvər Mehdiyev

 

Muz-Tv.az