Məleykə Əsədova: “Qızım bacıma nənə deyir”

Xalq artisti Məleykə Əsədova sosial şəbəkədə bacısının fotosunu paylaşıb. Bacısı haqda fikirlərini bölüşən aktrisa qızının ona nənə dediyini 

    Xalq artisti Məleykə Əsədova sosial şəbəkədə bacısının fotosunu paylaşıb. Bacısı haqda fikirlərini bölüşən aktrisa qızının ona nənə dediyini vurğulayıb: “Böyük bacım... Qızım bacıma nənə deyir. Həyatda göydə Allahım, yerdə isə qızım və bacılarım var. Min şükür Allahıma! Onları mənə çox görməsin”. Qızı Gülərin bu il üçüncü sinfi bitirdiyini deyən M.Əsədova bu münasibətlə onu gəzməyə aparıb. Gəzinti zamanı çəkilmiş şəkilləri İnstaqramda paylaşan aktrisa “Üçüncü sinfi uğurla bitirdi. Bu münasibətlə qızımı havası gözəl olan Maştağaya gətirdim. Burda bağda dincəlirik” yazıb.

    Əməkdar artist Elza Seyidcahanın əməliyyat keçirdiyi, xəstəxanada yatdığı ilə bağlı xəbər vermişdik.  Axşam.az-ın məlumatına görə, xəbəri hətta yaxınlarından belə gizlətməyə çalışan müğənni problemin qadın xəstəliyi ilə bağlı olduğunu deyib. E.Seyidcahanı xəstəxanada sənət dostları da ziyarət edib. Əməkdar artistə baş çəkənlərdən biri də müğənni Günay İbrahimli olub. Xəstəxanada  çəkilən fotoları İnstaqram səhifəsində paylaşan E.Seyidcahan G.İbrahimli haqqında “Cenifer Lopes məni ziyarətə gəlib” sözlərini yazıb. Qeyd edək ki, E.Seyidcahan və G.İbrahimli duet oxumağa hazırlaşır. Cütlüyün səsləndirəcəyi "Paralandım" adlı mahnının musiqisi əməkdar artistin özünə məxsusdur.  

    Türkiyədə yaşayan azərbaycanlı müğənni Azəri Günel Zeynalova nişanlısı ilə fotosunu İnstaqram səhifəsində paylaşıb. Sənətçinin toy mərasimində çəkdirdiyi fotolar maraqla qarşılanıb.  Günelin nişanlısı ilə yeni şəklini təqdim edirik. Qeyd edək ki, sənətçinin nişanlısı İnanc Başəyməz adlı iş adamıdır. O, Günellə Türkiyədə orta məktəbdə bir yerdə oxuyub. Cütlük 2011-ci ilin iyunundan nişanlıdır.

 

Sevda Məmmədova

 

Muz-Tv.az