Tuba Büyüküstünün əri əməliyyat keçirib

Türkiyəli aktrisa Tuba Büyüküstünün aktyor əri Onur Saylak artıq çəkidən qurtulmaq üçün əməliyyat keçirib. Axşam.az Türkiyə mətbuatına istinadən 

    Türkiyəli aktrisa Tuba Büyüküstünün aktyor əri Onur Saylak artıq çəkidən qurtulmaq üçün əməliyyat keçirib. Axşam.az Türkiyə mətbuatına istinadən xəbər verir ki, Büyüküstün serial çəkilişlərində olanda əkiz qızlarına evdə həyat yoldaşı baxıb. Evdə oturmaq isə Onur Saylakın 140 kiloya qədər kökəlməsilə nəticələnib. Aktyor qarınətrafı piylərdən liposaksiya yolu ilə xilas olub. 6 ay ərzində 35 kilo arıqlayan O.Saylak “Həkim nəzarətində arıqladım. Hər gün ən azı yarım saat idmanla məşğul oldum, xüsusi qidalanma rejiminə keçdim” deyir. Qeyd edək ki, Büyüküstün və Saylak əkiz qızlarına baxmaq üçün növbəli şəkildə işləyirlər.

    Bir neçə gün əvvəl Bakının qonağı olan məşhur model İrina Şeykin gedəcəyi növbəti ölkə Türkiyə olacaq.  Dünya ulduzu qardaş ölkədə “Dosso Doso fashion Show” da podiuma çıxacaq. İrina moda nümayişində zinət əşyaları istehsal edən brend markanın onun üçün hazırladığı xüsusi boyunbağı ilə görünəcək. "Qlobal istiləşməyə diqqət" şüarı ilə hazırlanan boyunbağıda dəniz mirvarisindən, rəngli sapfirdən, brilyantdan,  daşlardan və rəngləndirmə vasitələrindən istifadə olunub.  Zinət əşyasının çox bahalı olduğu deyilir.

    Dünya pop ulduzu Rihanna Amerika Moda Dizaynerlərinin Mükafatlandırma mərasimində “Dəb ikonası” mükafatına layiq görülüb. Müğənni tədbirə vücudunu incəliklərinə qədər göstərən xüsusi libasda gəlib. Adam Selmanın dizaynı ilə hazırlanmış paltarda 216 min ədəd svarovski daşından istifadə olunub. Rihanna ehtişamlı, geyinməyə cəsarət tələb edən paltarını sadə makiyajı ilə tamamlayıb.  Qeyd edək ki, daha əvvəl “Dəb ikonası” mükafatını Ledi Qaqa, Keyt Moss, Nikol Kidman və Coni Depp alıblar.

    Hollivud ulduzu Ancelina Coli  növbəti rolundan sonra kino ilə vidalaşacaq.  Bu barədə Coli “BBC Radio 5 Live”ə müsahibəsində deyib. Gələcəklə bağlı planlarından danışan aktrisa indi Kleopatra roluna hazırlaşdığını bildirib. “Bu rola yaradıcılığımın möhtəşəm finalı kimi baxmaq mümkündür. Belə roldan sonra daha nəyə cəhd etmək olar?”  deyən aktrisa tezliklə kinodan ayrılacağına eyham vurub. Qeyd edək ki, rejissoru hələ məlum olmayan  filmin ssenarisini "Forrest Qamp", "Bencamin Battonun qəribə hekayəti" kimi filmlərin ssenari müəllifi  Erik Rot yazıb.

 

Sevda Məmmədova

 

Muz-Tv.az