Türkiyə mətbuatı Aygün Kazımovadan yazır

Türkiyə mətbuatı xalq artisti Aygün Kazımovadan yazıb.  Axşam.az-ın məlumatına görə, qəzetlərdə müğənninin türkiyəli ifaçı Mustafa Ceceli ilə əməkdaşlığından bəhs

   Türkiyə mətbuatı xalq artisti Aygün Kazımovadan yazıb.  Axşam.az-ın məlumatına görə, qəzetlərdə müğənninin türkiyəli ifaçı Mustafa Ceceli ilə əməkdaşlığından bəhs edilib: “Azərbaycanın divası Aygün Kazımova “Təsadüf” adlı mahnısı üçün Mustafa Ceceli ilə studiyaya girib. Mahnını Mustafanın aranjimanı ilə oxuyan Kazımova yeni sinqlının hazırlıqlarını davam etdirir. Sinql bu yaxınlarda işıq üzü görəcək. Aygün Mustafa haqqında “o həm insanlığı, həm də istedadı ilə hər kəsə örnək olacaq biridir. Musiqi baxımından qanımız uyğun gəlir” deyib. İki ifaçının bundan sonra da birlikdə çalışıb ortaya örnək işlər çıxaracaqları bildirilib”.  Qeyd edək ki, bu, Aygün Kazımova ilə Mustafa Cecelinin ikinci işbirliyidir.

   Müğənni Samirə Allahverdi qızı dünyaya gələndə depressiyaya düşüb. Sənətçi unudulmaqdan qorxduğunu deyib: “Qızıma hamilə olanda depressiyaya düşdüm. Əslində ilk övladdan sonra tez bir zamanda ikinci dəfə hamilə qalırsansa, bu normaldır. Amma uzun fasilədən sonra yenidən ana olmaq çətindir. Qadın sərbəstliyə öyrəşir. Hamiləlik vaxtı isə düşünürsən ki, yenidən yuxusuz qalacam, uşağa baxacam, səhnədən uzaqlaşacam. Elə bil üstümə böyük bir dağ gəldi. Bu eqoistlik idi. Sənətə bağlı biriyəm. Deyirdim unudulacam, heç kim efirə çağırmayacaq. Amma hamiləliyin son gününə qədər səhnədə oldum. Qızım doğulandan sonra da zənglər gəlirdi, tədbirlərə dəvət olunurdum. Gördüm ki, həyat davam edir, hər şey necə var idisə, elə də qaldı. Əsl depressiya nə idi, mən həmin vaxt bildim”.

   Müğənni Nadir Qafarzadə var-dövlətini həyat yoldaşına vəsiyyət edib. Sənətçi bu haqda açıqlamasında bildirib: “Bəziləri həyat yoldaşını incidir, deyir "arvad evdə yemək bişirər, paltar yuyar". Mənim fikrimcə, həyat yoldaşını sevmək, xoş sözlər demək, əzizləmək, nəvaziş göstərmək lazımdır. Mənim üçün Sevincsiz həyat yoxdur. Varım da, yoxum da odur. Hər zaman deyirəm ki, öləndə nəyim var, ona qoyacam. Var-dövlətimi həyat yoldaşıma vəsiyyət etmişəm. Özü kimə nə istəsə, onu da verər” deyə Nadir Qafarzadə  söyləyib.

   Müğənni Rəqsanə İsmayılova konsert verəcək.  Nahid Emiloğlunun təşkilatçılığı ilə baş tutacaq konsert əlamətdar bir günə təyin edilib və əsgər, şəhid, əlil ailələrinə ərməğan olacaq: “İyunun 30-u İlhamla Fərizənin evləndiyi gündür. Biz konserti həmin tarixə keçirdik. Məkanımız Yaşıl Teatrdır. Tədbir pulsuz olacaq. Şəhid, əsgər ailələrini, bir sözlə, vətən uğrunda xidmət etmiş hər kəsi konsertimə dəvət edirəm”.  Konsertdə adı hələlik gizli saxlanılan yerli rejissorlardan birinin “Heydər – İlham – Azərbaycan” mahnısına çəkdiyi klipin təqdimatı keçiriləcək. Rəqsanə İsmayılovanın  digər iki klipi isə tədbirdən bir neçə gün əvvəl KİV nümayəndələrinə təqdim ediləcək.

 

Sahilə Aslanova

 

Muz-Tv.az