Röya bu ay konsert verecək

Müğənni Ayan Babakişiyeva yeni mənzil almaq niyyətinə düşüb. Axşam.az-ın məlumatına görə, sənətçi bu haqda qonaq olduğu verilişlərin birində danışıb.

    Müğənni Ayan Babakişiyeva yeni mənzil almaq niyyətinə düşüb. Axşam.az-ın məlumatına görə, sənətçi bu haqda qonaq olduğu verilişlərin birində danışıb.“Təzə ev alıram. İçini türk mebelləri ilə bəzəyəcəm. Ev bəzəmək üçün ürəyim gedir” deyən sənətçi “deyirlər, Ayan əsəbdən arıqlayır” sualına belə cavab verib:“Əsəbi deyiləm. Qızım Selenanın üzünə baxanda hər şeyi unudub xoşbəxt oluram. Arıqlamaq üçün pəhriz saxlayıram. Hələ 2 kiloqram da arıqlamalıyam”.

    Müğənni Röya Ayxan yenə də konsertə hazırlaşır.  Sənətçi bu dəfə dəniz kənarında çıxış edəcək. Bilgəhdə yerləşən istirahət mərkəzlərinin birində baş tutacaq gecə iyunun 17-də gerçəkləşəcək. Sevənləri ilə bu dəfə dəniz kənarında görüşəcək Röya “Kimin səsi varsa gəlsin. Çünki birlikdə ifa edəcəyik” deyə bildirib.

    Müğənni Nadir Qafarzadə evə gec getməyindən danışaraq buna görə  də uşaqlarının ondan şikayət etdiyini deyib: “Evə o qədər gec-gec gedirəm ki, uşaqlarım mənə "əmi" deyir. Həyat yoldaşım deyir ki, səni az görürlər ki, əmi-dayı adlandırırlar. Bütün günü işlərimlə məşğulam. Yeniliklər edirəm. Tələbəmlə duet oxumuşam. “Göndər” mahnıma klip çəkdirmək üçün Gürcüstana gedəcəm”.

    Müğənni İradə İbrahimovanın bacısı, vizajist Nigar İbrahimova yenidən bal ayına hazırlaşır. Vizajist həyat yoldaşı Ruslan Sanıyevlə birlikdə İspaniyaya yollanacaq. “Hər ikimizin işi yalnız on gün dincəlməyə imkan verir. Buna görə də, İspaniyada on gün qalacağıq. Bu, bizim yay istirahətimiz hesab ediləcək. Ondan sonra Qəbələdə dincəlməyi düşünürük” deyən N.İbrahimova ailə həyatı qurduqdan sonra işinə olan diqqətinin də azaldığını etiraf edib.

 
Fuad Oqtayoğlu

 

Muz-Tv.az