Castin Timberleykin heyranları eşq elan etdilər

Müğənni Castin Timberleyk öz pərəstişkarlarından maraqlı xahiş edib. O, Tvitterdəki sevənlərindən sevgi etirafları etməsini istəyib. 

    Müğənni Castin Timberleyk öz pərəstişkarlarından maraqlı xahiş edib. O, Tvitterdəki sevənlərindən sevgi etirafları etməsini istəyib. Bu, təkcə əks cinsə deyil, valideynlərə, uşaqlara, ev heyvanlarına, təbiətə və sairə ola bilərdi. Bütün bu videolardan ulduz maraqlı klip hazırlayıb. “Not a bad thing” sinqlının ekran əsəri klip və sənədli filmin qarışığı olub. Klip 2 gün ərzində ifaçının pərəstişkarları tərəfindən böyük diqqət görüb.  Xatırladaq ki, “Not a bad thing” sinqlı Castinin dördüncü albomuna daxil edilib.

    Maqazin Jurnalistlər Dərnəyinin keçirdiyi mükafatlandırma mərasiminə “Möhtəşəm yüz il” serialının məşhur aktrisası Pelin Karahan damğa vurub. Bu yaxınlarda həyat yoldaşından boşanan Pelin 6 aydır tanış olduğu sevgilisi Bəkir Güntayla nikah masasına oturacaq. Haqqında hamiləlik xəbərləri yayılsa da, aktrisa boşanma mərhələsi bitənə qədər bu barədə danışmamağa çalışırdı. Amma sözügedən mərasimdə o, hər kəsi təəccübləndirərək hamilə olduğunu etiraf edib: “İlk ay hamilə olduğumu anlamadım. Həqiqəti daha sonra öyrəndim. Uşağın cinsiyyətini hələ bilmirik. İkimiz də çox xoşbəxtik”.

   Türkiyəli müğənni Sıla “Yeni ay” albomunun ikinci klipi üçün kamera qarşısına keçib. Ilk video çarxı “Vəziyyətlər”lə böyük marağa səbəb olan ulduz ikinci klip üçün “Yabancı” mahnısını seçib. Ekran əsərinin rejissoru Ergin Turuncdur.

    Hollivud ulduzu Klint İstvud öz təvazökar avtomobili ilə kameralara tuş gəlib. Aktyor ikiqapılı Fiat markalı heçbeki ilə diqqət çəkib. Maşının dəyəri 32 min dollardır. Avtomobilin əsas xüsusiyyəti onun elektromobil olmasıdır. Bununla Hollivud ulduzu ətraf aləmin qorunmasında kiçik də olsa rol oynamaq istədiyini deyib.

 

Sahilə Aslanova

 

Muz-Tv.az