Cennifer: “Hər zaman həyatında bir kişiyə ehtiyac duyuram”

Müğənni Cennifer Lopez “İnstyle” jurnalı üçün kamera qarşısına keçib. Axşam.az xarici mətbuata istinadən xəbər verir ki, şəkillər hələ tam dərc olunmasa da, 

   Müğənni Cennifer Lopez “İnstyle” jurnalı üçün kamera qarşısına keçib. Axşam.az xarici mətbuata istinadən xəbər verir ki, şəkillər hələ tam dərc olunmasa da, əsas səhifə yayımlanıb. Bununla yanaşı, müsahibə də verən Lopez yaxın zamanlarda albom çıxaracağını, növbəti ətrini buraxacağını və dəb sahəsində yeniliyə imza atacağını deyib. Rəqqas Kasper Smartla münasibətindən də danışan ifaçı hər şeyin yolunda olduğunu deyib. O, bildirib ki, həyat yoldaşı Mart Entonidən ayrıldıqdan sonra Kasper Smartla münasibətə başlaması təsadüfi deyil. “Mən yalnız olmağı sevmirəm” deyən Cennifer bu səbəbdən hər zaman həyatında bir kişiyə ehtiyac duyduğunu etiraf edib.

    Dünya şöhrətli aktrisa Monika Belluççi məşhur jurnallardan birinin təşkil etdiyi əyləncə gecəsinə qatılıb. Axşam.az xarici mətbuata istinadən xəbər verir ki, 49 yaşlı aktrisa sadə və zərif libası ilə diqqət çəkib. O, mərasim üçün “Dolce&Gabbana” brendinə məxsus qara libas seçib. Ulduz obrazını hündürdaban ayaqqabı və o rəngli çanta ilə tamamlayıb. Tədbirdə kinematoqrafiya sahəsindəki xidmətlərinə görə Monikaya mükafat da verilib. Qeyd edək ki, sözügedən mükafatlandırma mərasimi 1986-cı ildən keçirilir. 

    Müğənni Ebru Gündeş 17 dekabr hadisələrindən sonra dünən ilk konsertini verib.  Müğənni rüşvət və korrupsiya cinayəti ilə bağlı aparılan əməliyyat zamanı tutulmuş həyat yoldaşı Reza Zərrabın azad olunmasından sonra yay konsertlərinə başlayıb. İlk konsert Antalyada baş tutub. Tədbirdə Ebru Gündeşin səhnə geyimi xüsusilə diqqət çəkib. Sənətçi, Elie Saabın hazırladığı çiçək naxışlı ağ paltarda səhnəyə çıxıb. Milan moda həftəsinin 2014 yaz-yay kolleksiyasında təqdim olunan bu model 17 min türk lirəsi (5800 avro) dəyərindədir.

 

Sevda Məmmədova

 

Muz-Tv.az