Xalq şairi Vaqif Səmədoğlu “İstiqlal” ordeni ilə təltif olundu

Akademik Milli Dram Teatrında xalq şairi Vaqif Səmədoğlunun 75 illik yubileyi qeyd edilib...

    Akademik Milli Dram Teatrında xalq şairi Vaqif Səmədoğlunun 75 illik yubileyi qeyd edilib. Mərasimdən əvvəl sənətkara olan heyranlığından danışan xalq artisti Afaq Bəşirqızı onu bu özəl gün münasibətilə təbrik edib. Bir çox siyasət və incəsənət xadimlərinin iştirak etdiyi tədbirdə ilk olaraq  çıxış edən Prezident Administrasiyasının rəhbəri, akademik Ramiz Mehdiyev prezident İlham Əliyevin Vaqif Səmədoğluna ünvanlanan təbrik məktubunu oxuyub.

    Daha sonra Vaqif müəllim səhnəyə dəvət edilərək prezident İlham Əliyevin sərəncamı əsasında “İstiqlal” ordeni ilə təltif olunub. Sənətkarı təbrik etməyə gələn qonaqlar bir-bir söz alaraq ürək sözlərini bölüşüblər. Mərasim ərzində Vaqif Səmədoğlunun video yazıları da qonaqlara təqdim edilib və şerlərindən parçalar oxunub.

    Gecə boyu şairin sözlərinə bəstələnən mahnılar da ifa edilib.

 

Sahilə Aslanova

Vüsal Həşimov

 

Muz-Tv.az