Sərdar Ortac evləndi

44 yaşlı türkiyəli müğənni Sərdar Ortac nəhayət ki, evlənib.  Sənətçi irlandiyalı sevgilisi Xloe Luqnanla dünən axşam İstanbulda ailə həyatı qurub.

   44 yaşlı türkiyəli müğənni Sərdar Ortac nəhayət ki, evlənib.  Sənətçi irlandiyalı sevgilisi Xloe Luqnanla dünən axşam İstanbulda ailə həyatı qurub. Hollivudun ən məşhur cütlüklərindən olan Antonio Banderas və Melani Qriffit boşanmaq qərarına gəlib. 18 il birlikdə yaşayan cütlüyün 17 yaşlı Stella adında bir qızı var. Melani əmlakın tam yarı bölünməsini tələb edib. Qriffit üçün bu, artıq dördüncü, Banderas üçün isə ikinci boşanma olacaq. 53 yaşlı Banderas və 56 yaşlı Qriffit arasında uzun müddətdir ki, soyuq münasibət yaşanır. Deyilənlərə görə, Melani Banderasın xəyanətlərindən yorulub. Bu barədə ilk şayiələr 2013-cü ildən yayılmağa başlamışdı. Belə ki, bayramlarda fərqli məkanlarda görüntülənən ulduzlar yayılan şayiələri gücləndirmişdilər.

   Mərhum pop kralı Maykl Ceksonun bacısı La Toyya Cekson ailə həyatı qurur. O, 58 yaşlı Ceffri Fillipslə nikah masasına oturacaq. Öz şousunun efirində barmağındakı nişan üzüyünü nümayiş etdirən Cekson jurnalistlərə müsahibəsində də bu faktı təsdiq edib. La Toyyanın brilyant üzüyü 17.5 karatdır. Birgə yaşayan cütlük buna görə çox xoşbəxt olduqlarını söyləyiblər. La Toyya vurğulayıb ki, ana olmağı arzulayır.

   Antalyada təşkil olunan 18-ci “Dosso Dossi Fashion Show”-da iştirak etmək üçün Türkiyəyə gedən məşhur model İrina Şeyk dəfilə zamanı podiuma çıxıb. Şeyk ləl-cəvahirat markalarından birinin hazırladığı boyunbağını təqdim edərkən, paltarının ön və arxa hissəsi cırılıb.  Libas dünyaca məşhur modelin ölçülərinə uyğun tikilməyib. İrinanın paltarındakı cırıqlar paparazzilərin diqqətindən qaçmayıb.

 

Sahilə Aslanova

 

Muz-Tv.az