Brilliant və Röya bir arada

Xalq artisti Brilliant Dadaşova və müğənni Röya Ayxan ötən gün bir məclisdə qarşılaşıblar. 

   Xalq artisti Brilliant Dadaşova və müğənni Röya Ayxan ötən gün bir məclisdə qarşılaşıblar. Axşam.az-ın məlumatına görə, ifaçılar birlikdə şəkil çəkdirərək sosial şəbəkədə paylaşıblar.

   Rəqqasə Oksana Rəsulova yeni klip çəkdirib. “Leyli və Məcnun” əsəri əsasında lentə alınan “Eşq”in rejissoru Kənan Musayevdir. Sənətçi  “Atəşgah” məbədində baş tutan çəkilişlərdə qırmızı libas geyinib. Kamera qarşısına Oksana ilə bərabər tələbələri də çıxıb.

   Müğənni Günay İbrahimli “Dəlisiyəm gecənin” adlı yeni mahnısını təqdim edib. Sənətçi sözləri N.A.D.O-ya, musiqisi Pərviz Mahmudova aid olan bəstənin hitə çevriləcəyinə inanır.  Pərviz Mahmudov isə “Dəlisiyəm gecənin” bəstəsini özü oxumaq istədiyini bildirib: "Bunu özüm üçün yazmışdım, oxumaq istəyirdim. Amma Günay dinləyəndə istədi, etiraz edə bilmədim. Adını da özü qoyub”.

   Tanınmış türkiyəli müğənni Rafet El Romanın sabah Azərbaycanda verəcəyi konsert təxirə düşüb. Lent.az-ın məlumatına görə, bu barədə konsertin təşkilatçısı Nahid Emiloğlu məlumat verib. O, bildirib ki, müğənninin vizasında problem olduğuna görə, o Bakıya gələ bilməyib: “Bildiyiniz kimi, Rafet El Roman Almaniya vətəndaşıdır. Bakıya oğlu ilə gəlməyi planlaşdırırdı. Viza məsələsində problem yaranıb. Buna görə də bu gün Azərbaycana gələ bilməyəcək. Konserti iyunun 28-nə saat 21:00-a qədər təxirə saldıq. İstəyirik ki, konsert şənbə gününə düşsün. İyunun 7-nə alınan bütün biletlər iyunun 28-i üçün keçərli olacaq”.

 

Sahilə Aslanova

 

Muz-Tv.az