Sezen Aksu səhnədə ağladı

Almaniyanın Münih şəhərində səhnə alan Sezen Aksu Ahmet Kayanın “Ağladıkça” adlı mahnısını ifa edərkən göz yaşlarını saxlaya bilməyib. 

    Almaniyanın Münih şəhərində səhnə alan Sezen Aksu Ahmet Kayanın “Ağladıkça” adlı mahnısını ifa edərkən göz yaşlarını saxlaya bilməyib. Tamaşaçıların birlikdə “Sən ağlama” kompozisiyasını oxuması isə sənətçini daha da duyğulandırıb. Sezen Aksu səhnədəki performansı ilə böyük marağa səbəb olmaqla yanaşı, mahnı aralarındakı söhbətləri ilə də qonaqları həm güldürüb, həm də düşündürüb.

    Amerikalı müğənni Keti Perri keçmiş sevgilisi Rob Ekroydla barışıb. Son zamanlar ulduzun tez-tez “Florence And The Machine” qrupunun gitaraçısı ilə birlikdə gecə klublarında görünməsi bu şayiələrin yaranmasına səbəb olub. “Sun” qəzetinin məlumatına görə, Keti son konsertlərindən birində Robla insanların gözü qarşısında öpüşüb.

   Türkiyəli aktyor İbrahim Çelikkol Los Ancelesdəki məşhur Koaçella festivalında qızlarla çəkilən fotolarını paylaşaraq sevgilisi Sinəm Kobal qısqanclığı ilə üzləşib. Təxminən iki aydır münasibət yaşayan cütlük bu müddət ərzində ilk dəfə dalaşıb.  Çox əsəbləşən Sinəm sevgilisinə acıq vermək üçün iş adamı Kaan Kalyoncu ilə gecə klubuna gedib. Məsələni öyrənən Çelikkol dərhal İstanbula qayıdaraq aktrisa ilə barışıb.

   Rusiyalı prodüser Maksim Fadeyev  “Serebro” qrupunun yeni solistini ictimaiyyətə təqdim edib. Belə ki, kollektivi tərk edən Elena Temnikovanı bundan sonra Polina Favorskaya əvəz edəcək. Polina 2010-cu ildən bəri Fadeyevin prodüser mərkəzi ilə əməkdaşlıq edir.

 

Sahilə Aslanova

 

Muz-Tv.az