Tolik: “Aygün Kazımova brilyant üzük bağışladı”

Prodüser Tarix Əliyev dünən 35 yaşını qeyd edib.  Axşam.az-ın məlumatına görə, Tolikin dəniz kənarında təşkil etdiyi möhtəşəm gecəsinə sənət aləminin tanınmış 

    Prodüser Tarix Əliyev dünən 35 yaşını qeyd edib.  Axşam.az-ın məlumatına görə, Tolikin dəniz kənarında təşkil etdiyi möhtəşəm gecəsinə sənət aləminin tanınmış simaları qatılıb.  Ad günü mərasimi ilə bağlı təəssüratlarını bölüşən prodüser xeyli sayda hədiyyə aldığını deyib:  “Dəvət etdiyim bütün qonaqlar gəldi. Yüzdən çox adam var idi. Cəmi iki-üç qonağım gəlmədi, onlar da Bakıda deyildi. Hər şey ürəyimcə oldu. Hədiyyələrimin sayı-hesabı yoxdur. Aygün Kazımova brilyant üzük bağışladı. Amma ən çox pul yığdım. Qonaqların demək olar ki, hamısı pul verirdi. Tort dostum İbo tərəfindən özəl olaraq hazırlanmışdı. Ad günümü qeyd etdiyim məkanın dizaynı isə Təhminə adlı xanıma məxsus idi”.

    Rusiyalı müğənni Yelena Vaenqa sentyabrın 28-də Bakıda Heydər Əliyev Sarayında konsert verəcək. Sənətçinin pərəstişkarları biletləri şəhərin kassalarından əldə edə bilərlər. Biletlərin qiyməti 30-270 manat arasıdır.  Qeyd edək ki, “Aeroport”, “Şopen”, “Qar”, “Ad günü”, “İki qanad”, “Danış”, “Mavi rənglər” kimi mahnılarla tanınan Yelena Vaenqa müğənni olmaqla yanaşı həm də şairə, bəstəkar, pianoçu və aktrisadır.

    Türkiyədə yaşayan müğənni Günel Zeynalovaya nişanlısı sürpriz edib. Sənətçiyə üzük bağışlayan İnanc onun üçün xoş sözlər yazıb. Hədiyyənin yanına “Sənə aşiq olmusam, doya bilmirəm. Səni sevirəm” sözlərini yazan İnanca Günel “Yuxudan oyananda bunu gördüm. Kapitan səni sevirəm. Nə yaxşı ki, varsan” cavabını verib. Qeyd edək ki, sənətçinin nişanlısı İnanc Başəyməz adlı iş adamıdır. O, Günellə Türkiyədə orta məktəbdə bir yerdə oxuyub. Cütlük 2011-ci ilin iyunundan nişanlıdır.

    Meyxanaçı Namiq Qaraçuxurlu yeni duet ortağı tapıb. Sənətçi bu dəfə müğənni Xumar Qədimova ilə duet oxuyacaq. Tədbirlərin birində üz-üzə gələn ifaçılar müsahibə veriblər. Namiq Xumar Qədimovanın ifa tərzini çox bəyəndiyini bildirib: “Xumar xanım çox istədiyim insandır. Görəndə sevə-sevə “maç” etdim onu. Çox nazlı xanımdır. Çoxları elə bilir ki, onun hamıyla problemi var. Amma elə deyil. Böyük məmnuniyyətlə onunla duet oxuyardım. Xumar xanımla ruh oxşarlığımız var. İfa tərzi, səsləndirdiyi bəstələr mənə yaxındır. Duetdən sonra söz-söhbətlər çıxacaq. Amma buna hazıram”.

 

Sahilə Aslanova

 

Muz-Tv.az