Faiq Ağayev Rəhim Rəhimlinin cavabını verdi

Xalq artisti Faiq Ağayev müğənni-bəstəkar Rəhim Rəhimliyə sərt cavab verib. Axşam.az-ın məlumatına görə, Rəhimin “İndi Faiq Ağayevin zamanı deyil” sözləri qarşı 

     Xalq artisti Faiq Ağayev müğənni-bəstəkar Rəhim Rəhimliyə sərt cavab verib. Axşam.az-ın məlumatına görə, Rəhimin “İndi Faiq Ağayevin zamanı deyil” sözləri qarşı tərəfi bərk əsəbləşdirib. Ağayev “Facebook” səhifəsində Rəhimə cavab olaraq “Bircə vacib qeyd! Bu statusum ayrıca və yalnız Azərbaycan şou-biznesinə aid deyil. Ümumilikdə zamana verdiyim qiymətdir. Abırsızlar, bisavadlar, satqınlar, boğazlarını yırtanlar üçün ideal zamandır. Mənim zamanım deyil” yazıb.   Xalq artisti daha sonra bunları əlavə edib: "Hazırda Bakıda deyiləm. Rəhim Rəhimlinin çıxışından sonra həm dəyərli sənətkarlar, həm də sayqıdəyər insanlar bu məsələyə münasibət bildirməyimi istəyir. Rəhim dediklərində çaş bir hala düşüb. "Zamanım deyil" deyəndə "abırsızları, bisavadları nəzərdə tutmuşam. Bəli, belələri arasında yerim olmayıb, yoxdur və İnşallah da heç vaxt olmayacaq. O ki qaldı sənətə... Elə Rəhimin dediyi kimi bu günə qədər estradamızda kişi müğənnilər arasında maksimum nailiyyətlər qazanmışam. Bu məmləkətdə rəqabətə də can atmıram. Çünki əldə etdiklərim baxımından fəailiyyətimlə müqayisə olunacaq, yaxınımda duran belə birisi yoxdur. Xəyallarını gerçək kimi bu millətə yedizdirmək istəyənlərə səmimi yazığım gəlir. Elə Rəhimin özü də başa düşür ki, onun mövqeyi Azərbaycan musiqisində həlledici deyil, fikrini də ciddiyə alan yoxdur. Yeni mahnının reklam üslubunu səhv seçmisən, Rəhim. Hədəfin azsaylı dedi-qoduçuların müəmmalı "ləzzəti" deyil. Ayıq başa yaxşı oğlansan Rəhim. Savadlı musiqiçi və məzəli şoumensən. Uğurlar sənə, gənc dostum!".    Xalq artisti Aygün Kazımova da Rəhim Rəhimlinin dediyi sözlərə münasibət bildirib.  O, sosial şəbəkədə yazdığı şərhdə Rəhimin onu çox təəccübləndirdiyini vurğulayıb: “İllərə, günlərə, konsertlərə, performanslara meydan oxuyan... Gənc həmkarlarına illərlə örnək olan... Ustad dərslər keçən, estradamızın tək və rəqibsiz meqastarı Faiq Ağayevdir. Düz 26 ildir bunun şahidiyik. Dostum Rəhimin söylədiyi qarmaqarışıq fikirlər məni çox təəccübləndirdi. Burada böyük anlaşılmazlıq var. Bu anlaşılmazlığa elə Rəhim özü aydınlıq gətirib, son qoyacaq. Mən Rəhimi belə biri kimi tanıyıram. Düşünürəm ki, heç də yanılmıram”. Xatırladaq ki, Rəhim Rəhimli müsahibələrindən birində "Faiq Ağayev məndən illər öncə səhnədədir. Zamanında konsertlər verib, əməkdar, xalq artistidir. Sənətdə hər istədiyinə nail olub. İndi o rəqabətə can atmır. Heç kimlə bəhsə girmir. Bu yaxınlarda özü də dedi ki, artıq mənim zamanım deyil. Mən də elə düşünürəm ki, artıq Faiq Ağayevin zamanı deyil” sözlərini deyib.

     Müğənni Miri Yusif media nümayəndələri ilə görüşüb.  Sənətçi iyunun 13-ü və 14-də “Yaşıl Teatr”da baş tutacaq konserti ilə bağlı məlumatlar verib. Ona ünvanlanan sualları cavablandıran Miri Yusif konsertdə yeni mahnılar oxuyacağını deyib: “Sevənlərim hit bəstələrlə yanaşı bu günə kimi heç yerdə səsləndirmədiyim mahnılar da eşidəcəklər. Səhnəyə mənimlə birlikdə xalq artisti Zülfiyyə Xanbabayeva da çıxacaq. Eyni zamanda adını hələ açıqlamaq istəmədiyim reper də konsertdə mənlə səhnədə olacaq. Qonaqlara sürprizlər hazırlamışam. Mənim konsertim texniki tərəfdən də fərqlənəcək”. Müğənni konsertdə xarici ulduzların izi ilə gedəcəyini söyləyib. Heç vaxt konsertində sənətçilərə dəvətnamə verməyən Miri Yusif bu dəfə də ənənəsinə sadiq qalacaq: “Əgər insanlar mənə və sənətimə hörmət edirsə, bilet alıb gələr. Mən biznesmen deyiləm, yaradıcılığımla pul qazanıram”.

     Əməkdar artist Sevda Ələkbərzadə həyat yoldaşı Kamyerdən danışıb. Müğənni açıqlamasında onunla xasiyyətlərinin uyğun gəldiyini deyib: “Çoxları deyir ki, Kamyer əcnəbidir. O, azərbaycanlıdır. Cənubi Azərbaycanda doğulub, xaricdə yaşayır. Mənim pərəstişkarım olmayıb. Sadəcə belə bir müğənni olduğundan xəbərdar imiş. Indi isə pərəstişkarımdır. Xasiyyətimiz eynidir. Eyni hadisələrə gülürük, ağırtəbiətliyik. Hərdən zarafatla deyirəm ki, qardaşımsan. Həm xasiyyət, həm də vizual baxımdan zövqümcədir”.

     Müğənni Gülay Zeynallının ad günüdür. Sənətçini ilk təbrik edən həyat yoldaşı, idmançı Kamil Zeynallı olub. O, gecəyarısı evini güllərlə bəzəyərək, Gülaya sürpriz edib. Hədiyyənin fotosunu İnstaqram səhifəsində paylaşan Gülay “Kamilin mənə məndən xəbərsiz olan sürprizi. Kaş hər gün bu sürpriz ola. Canım, ürəyim çox sağ ol” sözlərini yazıb.  Qeyd edək ki, Gülay Zeynallı 26 yaşını qeyd edir.

 

Sahilə Aslanova

 

Muz-Tv.az