Uitni Hyuston haqqında film çəkiləcək

İki il əvvəl dünyasını dəyişən amerikalı müğənni Uitni Hyustonun həyatı haqqında film çəkilir.  “Səni həmişə sevəcəyəm: Uitni Hyustonun hekayəsi” adlı 

    İki il əvvəl dünyasını dəyişən amerikalı müğənni Uitni Hyustonun həyatı haqqında film çəkilir.  “Səni həmişə sevəcəyəm: Uitni Hyustonun hekayəsi” adlı ekran əsərində müğənninin rolunu aktrisa Yaya Dakosta canlandıracaq. Filmin rejissoru Angela Bazettdir. Bu onun rejissor kimi ilk işidir. Dakosta da “Kifir Betti”, “Ev” və “Eşikağası” filmlərindəki ikinci dərəcəli rollarından sonra ilk dəfə baş rola çəkiləcək.  Rejissor Bazett  “Mən həmişə Uitniyə hörmət etmişəm. Onun həyat hekayəsini canlandıracağım üçün çox xoşbəxtəm” deyib. Ssenarisini Şem Bittermanın yazdığı film gələn il ekranlara  çıxacaq.

    Türkiyəli aktrisa Hazal Kaya üç ildə 13 kilo arıqlayıb. Şəkər xəstəliyinə görə, kökəldiyini açıqlayan Kaya artıq çəkisindən qurtulmaq üçün ciddi cəhdlər etmişdi. “Bu işin elə də böyük bir sirri yoxdur. Yediyinə və içdiyinə diqqət etsən avtomatik olaraq arıqlayacaqsan. Mən də xəstəliyimə görə, daim diqqətli olmağa çalışıram. Iki saatdan bir nə yeyəcəyimi əvvəlcədən bilirəm. Hər gün qəhvəmi içəndən sonra bir saat yarım gəzirəm. Insanlar şəkər xəstələrinin çətin arıqladığını fikirləşir. Əslində isə hər şeyçox asandır” – deyə aktrisa bildirib.

    Koreyalı müğənni PSY yeni rekorda imza atıb. Belə ki, ulduzun Snoop Dog-la birgə ifa etdiyi hiti Youtube video hostinqinin ən çox izlənilənləri sırasında yer almağa namizəddir. Ekran əsərinə iki gün ərzində 12 milyon insan baxıb. Hazırda PSY-ın öz rekordunu qırıb-qırmayacağı maraq mövzusudur. Xatırladaq ki, koreyalı müğənninin “Gangnam style” mahnısı Youtube-da iki milyarddan çox insan tərəfindən izlənilmişdi.

   “Mükəmməl” albomu ilə iTunes siyahısında birinci sıraya yerləşən Hande Yener ilk klipini “Alt dodaq” adlı mahnısına çəkib. Musiqi toplusuna olan maraqdan çox məmnun  olan Yener yeni fotosessiya da etdirib. Tayfun Çətinkayanın kamerası qarşısına keçən sənətçi sarı saçları ilə diqqət çəkib.

 

Sahilə Aslanova

 

Muz-Tv.az