Yerli məşhurlardan yeniliklər
Xalq artisti Brilliant Dadaşova \"Səndən ayrı\" adlı yeni mahnı yazdırıb. Lent.az-ın məlumatına görə, yeni albomunun hazırlıqları üçün həm İstanbul, həm də Bakıda olan
Xalq artisti Brilliant Dadaşova \"Səndən ayrı\" adlı yeni mahnı yazdırıb. Lent.az-ın məlumatına görə, yeni albomunun hazırlıqları üçün həm İstanbul, həm də Bakıda olan müğənninin yeni sinqlının sözləri və musiqisi Tural Bayraməliyevə məxsusdur. Hazırda Londonda aranjiman işləri gedən mahnıya klip çəkilişi də gözlənilir.
\"Şakiranın sevgilisi Jerar Pikedən xoşum gəlir. İstəyirəm ki, Pike Şakiranın yox, mənim ərim olsun\" - bunu azərbaycanlı müğənni Xatun deyib. O, İspaniya yığmasının müdafiəçisini görmək üçün Braziliyada keçiriləcək 2014-cü il dünya çempionatında iştirak arzusunu dilə gətirib: \"Ümumiyyətlə, ən böyük arzum budur ki, gedib Braziliyada 5 gün qalım. Həm vaxt, həm də pul baxımından imkanım olsa, Braziliyanı görmək istəyərəm. Oranın insanları mənə maraqlıdır”. Xatun oğlunun da futbola azarkeşlik etdiyini vurğulayıb.
Müğənni Sevinc Ağaşirinova KİV nümayəndələrini və həmkarlarını başına toplayıb. O, paytaxt restoranlarından birində yeni oxuduğu “Sən də get” adlı mahnısına çəkdirdiyi klipə təqdimat keçirib. Mərasimə Elariz Məmmədoğlu, Roza Zərgərli, Emin Bədəlov, Roza Zərgərli, Ayaz Qasımov, Sevinc-Sevil bacıları, Əbdül Xalid, Elçin Hüseynov, prodüser Tolik Təranə Səmədova, Xatun və başqaları qatılıb. Klipdə maraqlı geyim, ifa və rəqsi ilə seçilən müğənni 16 kiloqram arıqladığını da açıqlayıb. Qeyd edək ki, sözləri Aydına, musiqisi Tunara məxsus olan “Sən də get” mahnısına klipi gənc rejissor Nazim çəkib.
Müğənni İradə İbrahimova imicini dəyişib. Axşam.az-ın məlumatına görə, sənətçi bir müddət əvvəl qısaltdığı saçlarını yenidən uzadıb. Təzə şəkillərini İnstaqramda paylaşan İradə “buna öyrəşmək vaxt aparacaq” sözlərini yazıb. Qeyd edək ki, İradə İbrahimova Türkiyədə ikinci klipinin çəkilişlərinə başlayıb.
Tanınmış stilist-vizajist Şəfəq Novruzova biznesini genişləndirib. Xalq artisti, Akademik Milli Dram Teatrının aktyoru Ramiz Novruzun qızı olan Şəfəq, gözəllik salonu şəbəkəsinə daha birini əlavə edib. Bakupost.az-ın məlumatına görə, salonun açılış mərasimində başda vizajistin ailə üzvləri – atası Ramiz Novruz, anası və qardaşı müğənni Cavidan Novruz olmaqla bir çox tanınmış simalar da iştirak edib. Onların arasında xalq artisti Firəngiz Mütəllimova, əməkdar artistlər Vəfa Zeynalova, Münəvvər Əliyeva, Anar Heybətov, müğənnilər Zarina Məmmədova, Emil Bədəlov, Xatun, Məryəm Şabanova, prodüser Təranə Səmədova, aparıcı Lamiyə Ələkbərqızı və KİV nümayəndələri də olub. Övladları ilə qürur duyduğunu deyən deyən xalq artisti Ramiz Novruz onlara hər zaman dəstək olduğunu bildirib: “Övladlarıma hər zaman məsləhətim bu olub ki, yaxşı bacardıqları işlə məşğul olsunlar. Onlara sənət seçimindən mane olmamışam, amma məsləhət vermişəm”. 17 ildir vizaj sənəti ilə məşğul olan Şəfəq qadınlara məsləhət verməyi də unutmayıb. Vizajist makiyajda daha çox göz kölgələrinə önəm verməyi tövsiyə edib.
Sahilə Aslanova
Muz-Tv.az