Məryəm Üzərli geri dönür

“Möhtəşəm yüz il” serialındakı “Hürrəm sultan” obrazı ilə Türkiyədə tanınan  Məryəm Üzərli qısa fasilədən sonra yenidən ekranlara geri dönür. 

    “Möhtəşəm yüz il” serialındakı “Hürrəm sultan” obrazı ilə Türkiyədə tanınan  Məryəm Üzərli qısa fasilədən sonra yenidən ekranlara geri dönür. Qızı Laranı Berlində dünyaya gətirdikdən sonra gələn bütün təklifləri nəzərə alan Üzərli Türkiyədə yeni bir layihədə iştirak etmək qərarına gəlib. Aktrisa yeni mövsümdə yayımlanacaq istedad yarışmasının münsif kürsüsündə əyləşəcək. Məryəm Üzərli ilə birlikdə eyni layihədə başqa kimlərin yer alacağı isə yaxın günlərdə açıqlanacaq.

     Ana olmağa hazırlaşan Hollivud ulduzu Mila Kunis bir çox tədbirlərə qatılmaqdan imtina edir.  Amma aktrisa yeni filmlərdən birinin premyerasına qatılmalı olub. Qırmızı xalıda qısa qara donla görünən Kunis hündürdaban ayaqqabısı ilə diqqət çəkib. Hamiləliyinin son aylarını yaşayan ulduzun üzünün şişdiyi görünüb.

     Müğənni Rihanna Hollivuddakı yeni evinə köçüb. Ulduz malikanəni 60 min dollara kirayə götürüb. Xatırladaq ki, üç ay əvvəl Rihanna Hollivuddakı digər evini 15 milyon satmışdı. Ulduzun yeni mənzilində səkikiz vanna otağı, kinoteatr və hovuz mövcuddur. Maraqlısı budur ki, Rihannanın yeni evində çoxlu pəncərə olmasına baxmayaraq, heç birinin pərdəsi yoxdur. Qərb paparazziləri müğənninin qalmaqallı görüntülərini lentə almaq üçün malikanənin qarşısında növbəyə dayanıb.

     Son aylarda ard-arda qalmaqallarla gündəmə gələn kanadalı pop  ulduz Castin Biber Mayamidəki görkəmli malikanəsini adı açıqlanmayan həmkarlarından birinə satıb.  Tez-tez verdiyi səs-küylü partilərə görə qonşularının etirazı ilə üzləşən müğənni bir müddət musiqidən uzaqlaşacağını və Amerikanı tərk edəcəyini açıqlamışdı. 7.2 milyon dollar satılan malikanədə altı yataq otağı, SPA, üzmə hovuzu və şərab zirzəmisi var.

 

Sahilə Aslanova

 

Muz-Tv.az