Aygün Bəylər səhnəyə qayıdır
Əməkdar artist Aygün Bəylər yenidən səhnəyə qayıdır. Axşam.az-ın məlumatına görə, müğənni bu münasibətlə “Mən həyatdayam” adlı solo konsert verəcək.
Əməkdar artist Aygün Bəylər yenidən səhnəyə qayıdır. Axşam.az-ın məlumatına görə, müğənni bu münasibətlə “Mən həyatdayam” adlı solo konsert verəcək. Tədbir iyunun 21-də “Həyat” istirahət mərkəzində baş tutacaq. Gecədə Aygün Bəylərlə yanaşı, xalq artistləri Aygün Kazımova, Faiq Ağayev, əməkdar artist İlqar Muradov, meyxanaçı Namiq Qaraçuxurlu, müğənnilər Ramal İsrafilov, Niyam Səlami, Elnur Məmmədov və başqaları da iştirak edəcək. Qeyd edək ki, Aygün Bəylər bir müddət əvvəl səhnədən getdiyini bəyan etmişdi.
Xalq artisti Aygün Kazımova imicini yenə dəyişəcək. Müğənni bu dəyişikliyin “Təsadüf” mahnısına çəkdirəcəyi kliplə əlaqədar olduğunu bildirib:
“İmicim tamam fərqli olacaq. Hətta dərimin rəngi də dəyişəcək. Çox maraqlı və şən klip hazırlanır. Əsl yaz ab-havası duyulacaq. Bu klipdən sonra hamı təsadüfi eşq istəyəcək”. Qeyd edək ki, Aygün Kazımovanın yeni klipi Türkiyədə lentə alınacaq. Mustafa Cecelinin aranjiman etdiyi “Təsadüf”, xalq artistinin "DMC" musiqi şirkətinin imzası ilə işıq üzü görəcək növbəti sinqlıdır.
Xalq artisti Zülfiyyə Xanbabayeva uzun fasilədən sonra yenidən yaradıcılıq işləri ilə məşğul olmağa başlayıb. Müğənni “Hər cümləmdə” adlı yeni mahnısını təqdim edib. Bəstənin söz və musiqisi İsmayıl Əsədova aiddir. Qeyd edək ki, Zülfiyyə Xanbabayevanın sənətdən uzaqlaşmasına səbəb anasının rəhmətə getməsi olmuşdu.
Iyunun 7-də paytaxtın məşhur klublarından birində DJ-lərin növbəti “Red Bull Thre3Style” battları keçirilib. Müsabiqədə 2014-cü ilin sentyabrında Bakıda keçiriləcək olan Dünya finalında iştirak etmək üçün ölkəmizin ən güclü nümayəndəsi seçilib. 3 musiqi janrında 15 dəqiqəlik çıxışlardan ibarət olan yarışmanın iştirakçıları arasında DJ Apple, DJ Amaori, DJ Progress, DJ Rimas, DJ Rasl, DJ Twist yer alıb. “Red Bull Thre3Style Azerbaijan Final 2014” müsabiqəsinin qalibi isə DJ Twist olub. O, Bakıda keçiriləcək olan “Red Bull Thre3Style World Final 2014”-də ölkəmizi təmsil edəcək. Qeyd edək ki, müsabiqə iştirakçılarını yaponiyalı Dj Shintaro, amerikalı DJ Cosmo və kanadalı DJ Skratch Bastid qiymətləndirib.
Sahilə Aslanova
Muz-Tv.az