Britaniyalı müğənni sevgilisindən ayrıldığını “Twitter”dən öyrəndi

Britaniyalı müğənni Rita Ora bir ildir ki, birlikdə olduğu sevgilisi DJ Kalvin Harrisin ondan ayrıldığını “Twitter”dən öyrənib. 

    Britaniyalı müğənni Rita Ora bir ildir ki, birlikdə olduğu sevgilisi DJ Kalvin Harrisin ondan ayrıldığını “Twitter”dən öyrənib. Xəbəri sosial şəbəkədən oxuyan Rita çox utanıb və əsəbiləşib.  Müğənni daha əvvəl həyatında ilk dəfə bir kişini çox sevdiyini açıqlamışdı.  Qeyd edək ki, müxtəlif qadınlarla birlikdə görülən Harris bir neçə həftə öncə Twitter hesabında “Rita ilə münasibətimizi bir az əvvəl bitirdik. O, çox istedadlı və gözəl qadındır və onun üçün hər şeyin yaxşı olmasını arzulayıram”  yazaraq ayrıldıqlarını rəsmi şəkildə elan edib.

    44 yaşlı müğənni Cennifer Lopez cazibədar bədən quruluşu ilə yenidən gündəmə gəlib. Sadə geyimlə kamera qarşısına keçən ulduz “AKA” adlı yeni albomunun promo şəkillərini ərsəyə gətirib. Fotosessiyada o, gündəlik geyim tərzini nümayiş etdirir. Nyu Yorkda otellərin birində reallaşan fotosessiyada Cennifer maksimum az makiyajdan istifadə etməyə çalışıb.

    Müğənni Sinan Akçıl bu yaxınlarda özünə Mercedes markalı avtomobil almışdı. 110 min avroya aldığı maşınından bir ay ərzindəbezən sənətçi indi də italyanların sevimlisi olan Maserati avtomobili alıb. Cipini satan Akçıl 120 min avroya 2009-cu ilin modeli olan maşınına qovuşub.

    Hollivud ulduzu Holli Berri vəlayətini keçmiş həyat yoldaşına verdiyi qızı Nahla üçün hər ay 12 min avro ödəyəcək. Berri ayrıldıqdan sonra evləndiyi aktyor Olivye Martinezdən bir oğlan övladı dünyaya gətirmişdi. Amerikalı aktrisa həyat yoldaşı ilə keçən ilin iyul ayında Fransada nikah masasına əyləşmişdi.

 

Sahilə Aslanova

 

Muz-Tv.az