Könül Kərimova: “Gör, nə gözəl qızdır! Sənin gözlərin hara baxır?”

Yerli məşhurların özlərindən bixəbər görüntülərini sizə təqdim etməkdə davam edirik. 

    Yerli məşhurların özlərindən bixəbər görüntülərini sizə təqdim etməkdə davam edirik. Xarici ulduzlar gecə klublarında və yaxud da yeni sevgililəri ilə görüntülərini gizlətsələr də, yerli şou-biznesdə vəziyyət tam fərqlidir. Müğənnilərimizin ya həmkarlarının doğum günündə, ya da konsertlərdə pərdəarxası görüntüləri daha çox üzə çıxır.  İlk olaraq Emil Bədəlov diqqətimizi çəkib. Nədənsə müğənni ancaq yemək yeyərkən kameramıza tuş gəlir. Bədəlovla eyni masada əyləşən Ramal İsrafilov həmkarından fərqli olaraq əlindəki nemətlə foto çəkdirib. Digər məkanda oğul anası olan Xatirə İslam kamera önündədir. Deyəsən, Emil bala nədənsə narahatdır.

Daha sonra xalq artisti Zülfiyyə Xanbabayeva, əməkdar artist Abbas Bağırov və müğənni Könül Kərimova görüntülənib. Çəkilişdən xəbərsiz olan sənətçilərin başları yaman söhbətə qarışıb. Könül Kərimova həmkarı Zülfiyyə xanım üçün Abbasın əlindən vuraraq bu sözləri deyib: “Gör, nə gözəl qızdır. Sənin gözlərin hara baxır?”

 

Sevda Məmmədova

 

Muz-Tv.az