Nadir Qafarzadə: “Sizə pulu borc vermişəm, hədiyyə yox”

Müğənni Nadir Qafarzadə həmkarlarına səslənib. Axşam.az-ın məlumatına görə, sənətçi ondan borc alanlara əsəbiləşib: “Hamıya müraciət edirəm ki, borcumu qaytarın. 

   Müğənni Nadir Qafarzadə həmkarlarına səslənib. Axşam.az-ın məlumatına görə, sənətçi ondan borc alanlara əsəbiləşib: “Hamıya müraciət edirəm ki, borcumu qaytarın. Pula ehtiyacım var. O qədər adama pul vermişəm ki... İçində şou əhli də var, adi insanlar da. Heç kim qaytarmır pulumu. İnsanda gərək üz ola. Sizə pulu borc vermişəm, hədiyyə yox. Biri 500 manat, biri 2 min, biri 5 min alıb. İnsan var ki, beş ildir, pulumu qaytarmır. Şou-biznes adamlarına da deyirəm, gətirin, pulumu qaytarın!”.

   Müğənni Ayan Babakişiyeva qızı Selenaya indidən qadağalar qoyub. Sənətçi açıqlamasında qızını müğənni olmağa qoymayacağını deyib: “Qızım müğənni olmayacaq. Qətiyyən! Onu şou-biznesdə görmək istəmirəm. Qoymaram, bu aləmə gəlsin. İstəyirəm ki, övladım ya vəkil, ya da həkim olsun”.

   Müğənni Elçin Cəfərov uzun müddətdir ki, anons etdiyi “Dilimin ucunda” kəlməsinin sirrini açıb.  Sənətçi bunun yeni mahnısının adı olduğunu bildirib. “Dilimin ucunda” bəstəsinin sözləri Azər Şirinə, musiqisi sənətçinin özünə, aranjimanı isə Tərlan Məmmədhüseynova məxsusdur. Elçin mahnıya klip də çəkdirəcək. O, ekran işini rejissor Anar Hüseynova həvalə edəcək. Müğənni uzun müddətdir, efirlərdə görünməməsinin səbəbini imicində etdiyi dəyişikliklə bağlayıb. O, yeni klipində tam fərqli obrazda olacağını deyib.

   Rəqqasə Fatimə Fətəliyeva “Qurtuluş günü” münasibəti ilə Daxili Qoşunların “N” saylı hərbi hissəsində konsert proqramı ilə çıxış edib. Lent.az-a açıqlama verən rəqqasə bildirib ki, o, artıq bir neçə ildir ki, Daxili Qoşunların rəqs ansamblının solistidir: “Hər zaman Daxili Qoşunların hərbi hissələrində təşkil olunan konsertlərdə sevə-sevə iştirak edirəm. Konsertdə həmkarım Etibar Məmmədovla birgə gözəl rəqs nümunələrini təqdim etdik. Çıxışımız alqışlarla qarşılandı. Əsgərlər qarşısında konsert vermək mənim üçün qürurlu bir işdir”.

 

Sahilə Aslanova

 

Muz-Tv.az