Əmrah toyuna öz oğlunu çağırmadı
Bir müddət əvvəl türkiyəli müğənni Əmrah 4 aylıq hamilə sevgilisi Sibel Kirərlə nikah masasına əyləşdiyi haqqında xəbər vermişdik.
Bir müddət əvvəl türkiyəli müğənni Əmrah 4 aylıq hamilə sevgilisi Sibel Kirərlə nikah masasına əyləşdiyi haqqında xəbər vermişdik. Ifaçının 60 nəfərlik toy mərasiminə oğlu Tayfun Erdoğanı isə dəvət etməməsi diqqət cəlb edib. 23 yaşlı Tayfun: “Mən istənilməyən övladam. Amma heç kim bu dünyadan cəzasız getmir. Ikisi də bunu unutmasın. Evlilik oyunu tez bitəcək” –deyib. Əmrah mərasimdə Sibel Kirərə Kənan Doğulunun “Şans mələyim” mahnısını ifa edib. Maraqlısı odur ki, bəzi dəvətlilər mobil telefonları ilə gəlin ilə bəyin şəkillərini çəkmək istəsələr də, mühafizəçilər buna mane olub.
Kənan Doğulu ilə evlənməyə hazırlaşan Bərən Saat da sosial mediaya qoşulub. Qısa müddət əvvəl İnstaqram hesabı açan gözəl aktrisa müxtəlif şəkillər paylaşmaqda davam edir. Son olaraq bir körpə ilə çəkdirdiyi fotosunu heyranları ilə bölüşən aktrisa “Balacamla ilk “selfie”” yazıb.
Rol aldığı “Kurt Seyit və Şura” serialının mövsüm finalından sonra tətil üçün Bodruma gedən Kıvanç Tatlıtuğ sevgilisi Başak Dizərlə kameralara tuş gəlib. Bir saata yaxın Başakla dənizdə istirahət edən aktyor sevgilisini öpüşlərə qərq edib. Uzun müddət söhbət edən cütlüyün xoşbəxt halları diqqət çəkib. Başak Dizər isə gözəl bədən forması ilə ətrafdakıların maraq dolu baxışlarına səbəb olub.
Amerikalı iş adamı Donald Tramp 2011-ci ildə bir xeyriyyə tədbirinə “Xəstəyəm” deyərək qatılmayan Rihanna ilə hələ də barışmadığını açıqlayıb. Məşhur aparıcı Hovard Sternə müsahibə verən Tramp, ulduzun sözügedən mərasimdən bir gün sonra NBA ulduzlar matçında konsert verdiyini söyləyib. Məşhur iş adamı Rihannanın onu aldatdığını və vacib qonaqların qatıldığı tədbirə gəlməyərək onu utandırdığını vurğulayıb. “Təsəvvür edirsiniz, o qədər dəvətlilərin gəldiyi gecədə bu xanım zəng edərək xəstə olduğunu deyir. Bir gün sonra isə basketbol matçında mahnı oxuyur” - deyə Tramp əsəbi halda bildirib.
Sahilə Aslanova
Muz-Tv.az