Bakıda 4 gün davam edəcek Yaponiya film festivalı başladı

Bakıda Yaponiyanın Azərbaycandakı səfirliyinin və “28 Cinema” kinoteatrının birgə təşkilatçılığı və “JTİ” şirkətinin sponsorluğu ilə Yaponiya film festivalı başlayıb. 

   Bakıda Yaponiyanın Azərbaycandakı səfirliyinin və “28 Cinema” kinoteatrının birgə təşkilatçılığı və “JTİ” şirkətinin sponsorluğu ilə Yaponiya film festivalı başlayıb. Bu münasibətlə  ötən gün “28 Cinema” kinoteatrında mətbuat konfransı keçirilib.

   Konfransda Yaponiyanın Azərbaycandakı səfirliyinin, “28 Cinema” kinoteatrının və “JTİ” şirkətinin nümayəndələri iştirak ediblər. İyunun 20-dən 23-dək davam edəcək budəfəki festival əvvəlkilərə nisbətən proqramının zənginliyi ilə seçilir. Yapon dilində nümayiş olunacaq filmlər eyni zamanda rus dilində alt yazı ilə təqdim ediləcək.

   Festivalın davam edəcəyi dörd gün ərzində “Hankyu qatarı”, “Xəttat qızlar”, “16 yaşlılar üçün Buşido”, “Məndən sənə”, “Xoşbəxt uçuş” filmləri nümayiş olunacaq. Filmlərə giriş sərbəstdir.

 

Sərvər Mehdiyev

Elfaq Lələyev

 

Muz-Tv.az