Uma Turmanla Kventin Tarantinonun gizli eşqi ortaya çıxdı

İllərdir dostluqları ilə Hollivudun həsəd obyektinə çevrilən aktrisa Uma Turman və rejissor Kventin Tarantino haqqında Kann Film Festivalı zamanı yayılan sevgi iddiaları 

   İllərdir dostluqları ilə Hollivudun həsəd obyektinə çevrilən aktrisa Uma Turman və rejissor Kventin Tarantino haqqında Kann Film Festivalı zamanı yayılan sevgi iddiaları doğrulanıb. Məkanlardan birində öpüşərkən kameralara tuş gələn cütlük bütün şübhələri ortadan qaldırıb. Beverli Hillsdəki bir restoranda yemək yeyən məşhurlar daha sonra məkanın qarşısında öpüşüblər. Bu zaman paparazzilərin hədəfinə tuş gələn cütlük oradan fərqli avtomobillərlə ayrılıb. Qərb mətbuatının məlumatına görə, Uma Turman üçün “ilham pərim” deyən Tarantino illər boyu gizlədiyi sevgisinə qovuşmağın xoşbəxtliyini yaşayır.

   “Möhtəşəm yüz il” serialının keçmiş “Hürrəm”i Məryəm Üzərli Facebook hesabından yeni şəkillərini paylaşıb. Dostu Urban Rutsun kamerası qarşısına keçən aktrisa fotoların altına “Mən kiməm? Mən sənin üçün daim məndə görmək istədiyin o şəxsəm” qeydini yazıb.

   47 yaşlı amerikalı aktrisa Holli Berri hamilədir.  Qərb mətbuatında belə bir məlumatın yayılması Hollivudda böyük səs-küy doğurub. Qatıldığı tədbirlərdə və televiziya şoularında qarnının olduğu diqqətdən qaçmayan Hollinin üçüncü övladını dünyaya gətirəcəyi söylənilir. 47 yaşlı aktrisanın özünü təhlükəyə atdığı və bu yaşda uşaq sahibi olmaqla karyerasında da geriləmə yaşaya biləcəyi deyilir.

   Dünya şöhrətli  ulduz Rihanna 2014-cü il Dünya Kuboku çərçivəsində İngiltərəni 2-1 məğlub edən Uruqvayın qapıçısı Muslera üçün təbrik tviti yazıb. Gənc müğənninin “Muslera öz işinin mütəxəssidir” ismarıcı qısa müddətdə Tvitterdə paylaşma rekordu qırıb.

 

Sahilə Aslanova

 

Muz-Tv.az