Xalq artisti 10 kiloqram arıqladı

Xalq artisti Ağadadaş Ağayev səhnədən uzaqlaşmağına aydınlıq gətirib.Axşam.az-ın məlumatına görə,müğənnibuna səbəb kimi kökəlməsini göstərib:"Bir qədər 

   Xalq artisti Ağadadaş Ağayev səhnədən uzaqlaşmağına aydınlıq gətirib.Axşam.az-ın məlumatına görə,müğənni buna səbəb kimi kökəlməsini göstərib: "Bir qədər səhnədən qaçırdım. Çünki, kökəlmişdim. İndi on kiloqram arıqlamışam. Hələ bir on kiloqram da arıqlayacağam. İstəyirəm ki, gözəl işlər təqdim edim. Qəti qərarımdır, ilin sonuna qədər gözlənilməz şeylər edəcəyəm".

   Müğənni Rəhim Rəhimli idmanla məşğul olmağa başlayıb.Sənətçi həmkarları Zamiq Hüseynov və Abbas Bağırovla bəhsə girdiyini deyib: “Bir aralar kökəlmişdim. Şalvarlarım əynimə dar gəlirdi, rəqs edə bilmirdim. Buna görə də, artıq çəkidən xilas olmaq lazım idi. İndi idmana gedirəm. Abbas və Zamiqlə bəhsə girmişik. Hər gün idmanla məşğul oluruq. Son vaxtlar dörd kiloqram arıqlamışam”.

   Prodüser Təranə Səmədova plastik əməliyyat olunub.  Yerli klinikada baş tutan əməliyyatda Səmədova rinoplastika və liposaksiya etdirib. Prosedur plastik cərrah Abduləli Əliyev tərəfindən aparılıb. Əməliyyatdan əvvəl  açıqlama verən Təranə qorxmadığını bildirib: “Həkim yaxşıdırsa, pasient heç vaxt narahat olmur. Mən də qorxmuram. Burnumda düzəliş ediləcək. Eyni zamanda da çanaq hissələrimdən yağlar götürüləcək. Hər bir insan kimi məndə də əməliyyatöncəsi həyəcan var. Amma gözəl nəticəni düşünəndə sevinirəm”.

   “Eurovision 2011” mahnı müsabiqəsinin qalibi Eldar Qasımov konsertə hazırlaşır.Sənətçinin çıxışı yerli gecə klublarının birində baş tutacaq. İyulun 18-də keçiriləcək “Eldar live show” adlı gecə “KKM production”ın təşkilatçılığı ilə gerçəkləşəcək.

 

Sərvər Mehdiyev

 

Muz-Tv.az