“Mihrimah sultan” özünə xına gecəsi keçirdi

Türkiyəli aktrisa Pelin Karahanın xına gecəsi keçirilib.  Nişanlısı Bədri Güntayın evində təşkil edilən gecədə cütlüyün yaxın dostları qonaq olub. 

     Türkiyəli aktrisa Pelin Karahanın xına gecəsi keçirilib.  Nişanlısı Bədri Güntayın evində təşkil edilən gecədə cütlüyün yaxın dostları qonaq olub. 2 gün sonra ailə quracaq Pelin özünün "Möhtəşəm yüz il" serialındakı Mihrimah Sultan obrazının geyimində olub. Qonaqlara hind xınası yaxılıb.  Qeyd edək ki, Pelin və Bədri 4 aydır ki, birlikdədirlər. Bədri Güntay "Beynəlxalq Xüsusi Təhlükəsizlik A.Ş."-nin idarə heyəti rəhbəridir.

     Tanınmış türkiyəli aktrisa Aslı Tandoğanın toyu olub.  Tan Yaşılada ilə nikah masasına oturan aktrisanın toyu Həkimbaşı Saleh Əfəndi villasında baş tutub. 150 qonağın qatıldığı gecədə məşhurlar da yer alıb. İçərilərində bir çox tanınmış aktyorların da olduğu qonaqların əksəriyyəti mərasimə dəniz yolu ilə gəlib. Cütlüyün nikah şahidi memar Səfər Çağlar və aktrisa Özge Özder olub. Qeyd edək ki, Aslı Tandoğan "Bu günün saraylısı", "Zəhərli sarmaşıq", "Dodaqdan qəlbə" kimi seriallarda oynayıb.

     Məşhur ingilis futbolçusu Devid Bekhem və həyat yoldaşı, dizayner Viktoriya Bekhemin yeni mum heykəli hazırlanıb. Londondakı “Madam Tüsso” muzeyində təqdim olunan mum heykəlləri muzey rəhbərliyi cütlüyün evliliyinin 15 illiyinə hədiyyə edib. Devid Bekhem “Hugo Boss” brendindən kostyumda, Viktoriya isə “Victoria by Victoria Beckham 2014” payız kolleksiyasından olan tünd çəhrayı libasda əks olunub. Qeyd edək ki, Bekhemlərin mum heykəli sonuncu dəfə 2004-cü ildə hazırlanmışdı.

    “Altın kələbək" mükafatlandırma mərasiminin xüsusi qonağı qismində Türkiyədə olan Hollivud ulduzu Cessika Alba getdiyi məkanlardan birində ənənəvi xına mərasiminin qonağı olub. Məkanda təşkil olunmuş xına gecəsindəki maraqlı səhnələri izləyən Alba adətlərə uyğun olaraq barmağına xına yaxıb. O, əyləncəli gecənin təşkilatçılarını masasına dəvət edərək onlarla şəkillər çəkdirib. Aktrisa yediyi yeməklərin, göstərilən şouların da fotolarını və videosunu lentə alıb. 

 

Sahilə Aslanova

 

Muz-Tv.az